Համաձայն «Ֆըրաթ» լրատվական գործակալության` տարիներ շարունակ կանգուն մնալ հաջողած Շիրինջեի Սուրբ Հովհաննես եկեղեցին անգիտակից այցելուների ու կենտրոնական կառավարության անտարբերության պատճառով կորցնում է իր գեղեցկությունը: Այցելուները եկեղեցու ներսի պատերի վրա փորագրելով իրենց անունները` ավերում են եկեղեցին: Իսկ այս ուղղությամբ որևէ կանխարգելիչ միջոց չձեռնարկելու փաստը ցույց է տալիս, թե Թուրքիան «պատմության հանդեպ որքան հարգալից է»:
Իզմիրի Սելջուկ գավառից 7 կմ հեռավորության վրա գտնվող Շիրինջե գյուղը կենտրոնական կառավարության անտարբերության պատճառով ենթարկվել է մեծ ավերածության:
Նախկին անվամբ Չիրքինջե, իսկ նոր անվամբ Շիրինջե հունական գյուղը հիմնադրվել է 5-րդ դարում: 1924 թ. փոխանակման արդյունքում Սելանիկի թուրք ընտանիքներով բնակեցված գյուղն աշխարհում հայտնի է իր գինիներով: Զբոսաշրջիների մեծ հոսքը դեպի գյուղ պատճառ է դառնում գյուղի գեղեցկության ոչնչացման:
1832 թ. կառուցված եկեղեցին, որը կրում է Հովհաննես Մկրտչի անունը, որքան էլ որ դիմադրում է «ավարի» տրամաբանությանը, սակայն ներքին զարդարանքները մեծավ մասամբ ոչնչացվել են: Եկեղեցու այցելուները փորելով եկեղեցու պատերը, որոնց վրա նախկինում տարբեր կրոնական թեմաներով ֆիգուրներ են պատկերված, գրում են իրենց անունները: Իսկ Մշակույթի և զբոսաշրջության նախարարությունը կանխարգելիչ որևէ միջոց չի ձեռնարկում:
Ումութ Աքփընար
«Ֆըրաթ» լրատվական գործակալություն
22.08.2011
Իզմիր
Leave a Reply