Financial Times: Թուրքիայի “զրո հարցեր” հարևանների հետ քաղաքականությունը փորձություն չանցավ

Անգլիական հեղինակավոր թերթը Դավիթ Գարդների վերլուծությունում մատնանաշում է, որ վերջին շրջանում “առագաստները պարզած արտաքին ճամփորդություն” ելած քաղաքականությունը փորձություն չանցավ: Արաբական աշխարհում վերջին իրադարձությունները փորձություն էին Թուրքիայի արտաքին քաղաքականության համար, որի ընթացքում Էրդողանը փորձեց դառնալ արաբական աշխարհի նոր “հերոս”, սակայն արդյունքում սրվեցին հարբերությունները բոլոր հարևանների հետ:  

Financial Times-ը նշում է, որ Սիրային վերջնագիր ներկայացնելուց հետո, այդ հարևանի հետ առկա են բոլոր հնարավոր խնդիրներն ու հարցերը: Միաժամանակ Թուրքիան, Սիրայի հետ լարվածության պայմաններում, տարածաշրջանում մրցակցության մեջ է մտնում Իրանի հետ: Սակայն,  եթե Financial Times-ը “զրո խնդիրներ հարևանների հետ” քաղաքականության դադարեցում է տեսնում միայն Սիրիայի և Իրանի ուղղությամբ, ապա մենք կարող ենք ավելացնել նաև Կիպրոսը և Հայաստանը:

Արարատ լեռան վերաբերյալ ՀՀ նախագահի բնական և տրամաբանական արտահայտությունից հետո Էրդողանի “ներողություն” պահանջելը երկար ժամանակով սառեցրին նաև Հայաստանի և Թուրքիայի միջև ոչ պաշտոնական շփումները, քանի որ Էրդողանը սպասում է “ներողություն” ՀՀ նախագահից, իսկ ՀՀ նախագահը սպասում է Էրդողանից “ներողություն` ներողություն պահանջելու համար”: Կիպրոսի հունական և թուրքական համայնքների միջև ՄԱԿ-ի հովանու ներքո ընթացող բանակցություններից առաջ Էրդողանի հակահունական հայտարարությունները` հատկապես ծովային տարածքում գազի պաշարների ուսումնասիրության առումով , լարվածություն առաջացրին նաև Թուրքիայի և Հունաստանի ու Կիպրոսի հանրապետությունների միջև: Այսպիսով, հունիսի 12-ի խորհրդարանական ընտրություններից հետո Թուրքիան նոր խնդիրներ առաջացրեց բոլոր հարևանների հետ:

Armweeklynews.am 17.08.11