Պատեհ առիթներով Թուրքիայի վարչապետ Էրդողանը հիշեցնում է միջազգային և թուրք հանրությանը, որ Թուրքիայում 90 հազար հայ են ապրում: Ամեն անգամ այդ հիշեցման ենթատեքստում կա սպառնալիք, որ այդ հայերը կարող են հակահայկական քաղաքականության ‘գերին” դառնալ: Մինչդեռ ստամբուլահայերը կան և կմնան այդ քաղաքի ամենազարգացած ու առաջադեմ համայնքներից մեկը: Թուրք հասարակությունը պետք է հանդուրժողականության օրինակ վերցնի հայ եկեղեցուց: Ստամբուլի Կընալադայի Սուրբ Գրիգոր հայկական եկեղեցին շնորհավորել է մուսուլմանների Ռամազան տոնը և կազմակերպել տոնական հյուրասիրություն` Իֆթար, որի արդյունքում հավաքված դրամը եկեղեցու խուրհուրդը որոշել է հատկացնել թուրքական Կարմիր Մահիկին` որպես Սոմալիի սովյալ ընտանիքներին աջակցություն: Շուրջ 800 մարդ է մասնակցել տոնական հյուրասիրությանը:
Թուրքական մամուլն այս տեղեկությունը տպագրել է “Հայկական եկեղեցուց օրինակելի վարմունք…”: Մինչդեռ ստամբուլահայերի մշակույթն ավելի հին պատմություն ունի, քան Օսմանյան կայսրությունը և Թուրքիա հանրապետությունը: Եվ այդ մշակույթի ժառանգության շնորհիվ է նաև , որ այսօր Թուրքիայում կարող են խոսել ժամանակակից հասարակության ձևավորման մասին, որի արմատները խարսխված են մեծամասամբ հայկական բազմադարյա մշակույթի վրա: Եվ հանդուրժողականությունն այդ մշակույթի անկյունաքարերից մեկն: Վարչապետ Էրդողանի սպառնալիքներին արժանի այս պատասխանը լավագույնս է բնութագրում ստամբուլահայերին և չի բացառվում, որ թուրքական մամուլում հայտված վերնագրերը անուղղակի նախատեսված են վարչապետ էրդողանի լսողության համար:
Armweeklynews.am 18.08.11
Leave a Reply