Եթե պատերազմ հայտարարվի, ապա Թուրքիայում քարը քարի վրա չի մնա

Հայաստանում պետք է ուշի ուշով հետևեն Թուրքիայում ընթացող գործընթացներին, քանի որ այնտեղ հնարավոր քաղաքացիական պատերազմն ընթանալու է նաև մեր սահմանի հարևանությամբ:  Թուրքական մամուլի կողմից “ձերբակալված “ հայտարարված Քրդական աշխատավորական կուսակցության շարժման խորհրդի նախագահ Մուրադ Կարայըլանը օգոստոսի 15-ին շատ խիստ հայտարարությամբ է հանդես եկել, որը տարածել է Եփրատ գործակալությունը օգոստոսի 17-ին: Կարայըլանը հայտարարել է, որ եթե Քրդական աշխատավորական կուսակցությունը պատերազմ հայտարարի , ապա Թուրքիայում քարը քարի վրա չի մնա: Նրա խոսքով, վարչապետ Էրդողանը պետք է չկորցնի ինքնատիրապետումը և ծարահեղ բնույթի հայտարարություններ չանի:

Կարայըլանը նկատի ունի երեկ վարչապետ էրդողանի այն հայատարությունը, որ` “դանակը ոսկորին է հասել” : Քրդական զինված ուժերի առաջնորդն անդրադարձել է նաև Աբդուլլահ Օջալանի ճակատագրին: Armweeklynews.am –ն արդեն տեղեկացրել էր , որ Օջալանի փաստաբաններին Ստամբուլին դատարանի որոշմամբ արգելվել է մեկ տարի ժամկետով հանդիպել իրենց պաշտպանյալի հետ: Իսկ օգոստոսի 17-ին թուրք ազգայնականների առաջնորդ Դեվլեթ Բահչելին թուրքական կառավարության առաջարկել է ընդհանրապես արգելել Օջալանի շփումներն արտաքին աշխարհի հետ: Արդեն երեք շաբաթ է , ոչ մի լուր չունեն քրդական քաղաքական գործիչները Օջալանի վիճակի մասին: Հաշվի առնելով ստեղծված իրավիճակը, Կարայըլանը հայտարարել է,-“ Եթե մեր առաջնորդին որևէ բան պատահի, այդ ժամանակ Թուրքիայում ոչ մի ղեկավար չի մնա: Այդ պարագայում յուրաքանչյուրը ցավ կապրի կատարվածի համար”:

Armweeklynews.am 17.08.11