Վաքըֆլը գյուղում Մարիամ Աստվածածնի վերափոխման տոնին սուրբ պատարագ է մատուցվել

Ինչպես հաղորդում է թուրքական «haberler.com» կայքէջը, Թուրքիայի Հաթայ նահանգի Վաքըֆլը հայկական գյուղում կատարված պատարագի ժամանակ տոնել են Մարիամ Աստվածածնի վերափոխման տոնը: Պատարագին Սիրիայից, Գերմանիայից և Լիբանանից ժամանած հայերի հետ մեկտեղ մասնակցել են նաև Թուրքիայի զանզազն նահանգներից ժամանած հայեր:

Հաթայի Սամանդաղ գավառում գտնվող Վաքըֆլը գյուղում տեղի ունեցած պատարագին Պոլսո Հայոց պատրիարքի փոխանորդ Արամ Աթեշյանը, Մարիամ Աստվածածնի վերափոխման տոնի մասին խոսելով, շնորհավորել է նաև ողջ իսլամական աշխարհի ռամադանը:

Աթեշյանն ասել է. «Մենք` հայերս, Մարիամ Աստվածածնի վերափոխման օրը տոնում ենք օգոստոսի 15-ին մոտ կիրակի օրը: Մյուս եկեղեցիները նույն պատարագը կատարում են օգոստոսի 15-ին: Այս օրը տոնը նշելու համար աշխարհի տարբեր ծայրերից հայեր են գալիս Վաքըֆլը: Այս տարի համընկավ Ռամադանի հետ: Նույն ամսում երկու տիեզերական կրոններց մեկը պատրաստվում է ռամադանին, մյուսն էլ` Մարիամ Աստվածածնի վերափոխմանը: Այս ամենակարևոր տոնը միասին ենք նշում: Այստեղ միայն հայերը չեն, տարբեր կրոններից և յուրաքանչյուր կրոնից ու դավանանքից մարդիկ միասին և միասնական տոնում են այս տոնը: … Այսօր քրիստոնյաների համար միևնույն ժամանակ նաև Մայրության տոնն է»:

Առաջին անգամ նշանակվեց եկեղեցու հոգևոր հովիվ

Աթեշյանը ավետելով, որ տարիներ անց առաջին անգամ Վաքըֆլը գյուղի հայկական եկեղեցում հոգևոր հովիվ է նշանակվել, ասաց. «Այսօր մեր եկեղեցում մեկ այլ ուրախություն ևս կա: Տարիներ ի վեր այս եկեղեցում հոգևոր հովիվ չկար: Նոր նշանակեցինք: Հայր Ավետիսին ուղարկեցինք այստեղ: Հուսով ենք, որ սրանից հետո մեր համայնքն ավելի շատ կբավարարվի իր հոգևոր կյանքով: Հավատով են լցնելու այս եկեղեցին»:

Սիրիայի Հալեպ քաղաքից ժամանած Սարգիս Քասսագարյանն ասաց, որ Սիրիայում նշում են տոնը, սակայն այս տարի նախընտրել է տոնել Թուրքիայում: Քասսագարյանը նշելով, որ մարդիկ այստեղ երջանիկ են, ցանկացավ, որ շարունակեն այսպես ապրել:

Վաքըֆլըի գյուղապետ Պերճ Քարթունն ասաց, որ ուրախ է Թուրքիայի հայկական Ֆաքըֆլը գյուղում հյուրընկալել հյուրերին:

Հայերն օրհնված խաղող ճաշակեցին

Հայերը պատարագի ժամանակ առաջին անգամ ճաշակեցին այս տարվա խաղողը: Հավատքի համաձայն` հրավիրյալներն առաջին անգամ ճաշակեցին այս տարի Մարիամ Աստվածածնի վերափոխման տոնին կատարված պատարագի ժամանակ քահանայի կողմից օրհնված խախողը, իսկ հարիսան կերան այն բանից հետո, երբ այն օրհնեց պատրիարքի փոխանորդ Աթեշյանը:

Մարիամ Աստվածածնի վերափոխման տոնի կապակցությամբ պատրաստված հարիսան, որը եփվել էր 8 կաթսայի, մեջ բաժանվեց 8 գյուղերի: Հարիսայի համար օգտագործվել էր 150 կգ ցորեն:

http://www.haberler.com/ermeniler-vakifli-koyu-nde-ayin-icin-toplandi-2929672-haberi/