Վերջին շրջանում թուրքական լրատվամիջոցները Էրգենեկոնի և դրա հետ կապված Սուսուրլուկի դատավարությունների ընթացքում հաճախակի են անդրադառնում Ժանդարմերիայի հետախուզական և հակաահաբեկչական պայքարի ` JITEM, կազմակերպության անդամների կողմից կատարված հանցագործություններին , երբ առանց դատ ու դատաստանի գնդակահարվել և տանջամահ են արվել շատ քուրդ հասարակական գործիչներ: Սակայն թուրքական մամուլը կարծես ինչ որ մեկի հրահանգով 2011թ-ի մայիսից միանգամից լռության մատնեց Թուրքիայի Ազգային ռազմավարություն և գործողություների վարչության ` TUSHAD , գաղտնի գործակալների հանցագործությունները: 2007թ-ին Թուրքիայի Մալաթիա քաղաքում հանցագործները դանակահարեցին քրիստոնյա միսիոներական “Զիրվե” տպարան-գրախանութի ղեկավար, գերմանացի հոգևորական Թելման Գեսկիին և ևս չորս քրիստոնյա կամավորերի: Գերմանացի հոգևորականի մարմնի վրա կար 156 դանակահարության հետք: Հացագործության իրագործողները ձերբակալվեցին: Սակայն պատվիրատուները չէին բացահայտվել :
Եվ ահա, “Էրգենեկոն” կազմակերպության դատարավարության ընթացքում, բացահայտվեցին նաև պատվիրատուները, հաղորդում են բոլոր թուրքական լրատվամիջոցները: Ձերբակալվել է նաև Մալաթիայի Ժանդարմերիայի հետախուզական և հակաահաբեկչական պայքարի ` JITEM ,վարչության նախկին ղեկավարը: Պարզվում է, որ այդ կազմակերպությունը, սերտ համագործակցելով Թուրքիայի Գլխավոր շտամբի կողմից հիմնված Թուրքիայի Ազգային ռազմավարություն և գործողություների վարչության հետ` TUSHAD, գաղտնի գործակալներ է ներդրել քրիստոնեական միսիսներական կազմակերպությունների մեջ, որոնք կարողացել են անգամ հասնել բարձրաստիճան հոգևորականի մակարդակի: Այդ գործակալների ղեկավարությամբ էլ իրականացվել է Մալաթիայի Զիրվե տպարանի հանձագործույթունը:Այդ գաղտնի գործակալներից մեկը`Դենիզ Ույգարը, որի գաղտնի ծածկանուն է եղել “Էրջյումենտ աղա” և հաշվառվել է 2594326 ծածկագրի տակ, 14 տարի աշխատել է միսիոներական կազմակերպությունում(Sabah օրաթերթ): Գաղտնի գործակալը պատմել է, որ 1993 թվականին ծառայության է անցել TUSHAD-ում, նրանց հանձնարարությամբ ընդունել է քրիստոնեություն և ներդրվել քրիստոնեկան միսիոներական կազմակերպությունների մեջ, որպեսզի կարողանան կազմակերպել պայքարը այդ կազմակերպությունների դեմ և անհրաժեշտության դեպքում` վերացնել կրոնական առաջնորդներին: Գաղտի գործակալը կարողացել է հասնել մինչև բարձրաստիճան հոգևորականի կարգավիճակի և հավաքագրելով այլ գործակալներ, կարողացել է կազմակերպել հանցագործությունը: Գաղտնի գործակալը բացահայտել է, որ Զիրվե տպարանում կատարվելիքի հանձնարարությունը գալիս է նաև “Էրգենեկոնի” հիմնական մեղադրյալ Իբարհիմ Շահինից:
Դատախազությունը հարցում էր ուղարկել Թուրքիայի ռազմական ուժերի Գլխավոր շտաբին, TUSHAD-ի վերաբերյալ տեղեկություններ ստանալու համար: Գլխավոր շտաբից պատասխանել են, որ 1999թ-ից հետո շտաբում TUSHAD անունով կազմակերպություն գոյություն չունի, իսկ JITEM կազմակերպության մասին տեղյակ չեն և առչություն չունեն: Սակայն գաղտնի գործակալը դատարանում հայտարարել է, որ 2005թ-ին TUSHAD-ի հրամանով նորից իսլամ է ընդունել: Հետևաբար 2005թ-ին TUSHAD գոյություն է ունեցել: Այսպիսով բացահայտվել է, որ TUSHAD-ը գաղտնի գործակալներ է ներդրել բոլոր քրիստոնեական եկեղեցիների և համայնքների մեջ, որպեսզի անհրաժեշտության դեպքում կազմակերպի դրանց ղեկավարների սպանությունը: Պատահական չէ, որ “էրգենեկոն” գործի քննության ընթացքում պարզվել է, որ պլանավորված է եղել նաև Պոլսո Հայոց պատրիարքի սպանությունը: Եվ պատրիարք Մութաֆյանի ազգանունը եղել է Իբրահիմ Շահինի մոտ խուզարկության ընթացքում գտնված մահվան դատապարտված անձանձ ցուցակում: Փաստն այն է, Պատրիարք Մութաֆյանը երկար տարիներ գտնվում է անգիտակից վիճակում……. :
Բոլոր փաստերն ի մի բերելով կարել է ասել, որ TUSHAD –ը գոյություն ունի` ինչպես պնդում է գերմանական միսիներական կազմակերպության մեջ ներդրված գաղտնի գործակալը, և այդ կազմակերպությունն իր բոլոր գործողություններն իրականացնում է եկեղեցիներում և այլ քրիստոնեկան կազմակերպություններում ներդրված գաղտնի գործակալների միջոցով: Երկու ամիս առաջ ինքնաբացահայտվեց նաև JITEM –ի գաղտնի գործակալը Մերսինի բողոքական եկեղեցում, ուր նա 20 տարում հասել էր կրոնական բարձրաստիճան կոչման (turuncutime.com կայք): Պոլսո Հայոց պատրիարքարանը չէր կարող բացառություն լինել: Նշանակում է մինչ օրս այնտեղ ևս գործում է գաղտնի գործակալ: Եթե Պոլսո պատրիարք Մութաֆյանը զոհ չի գնացել հանցագործի գնդակին, սակայն գտնվում է անգիտակից վիճակում, հետաքրքիր է, թե ինչով են զբաղված` կամ ինչով է զբաղված, TUSHAD-ի գաղտնի գործակալները` կամ գործակալը, Պոլսո Հայոց պատրիարքարանում:
Armweeklynews.am
15.08.11
Leave a Reply