Թուրքիայում «հայերի գանձերը» որոնողներին ստիպում են թույլտվություն ստանալ

Կարսի թանգարանի տնօրեն Նեջմեթին Ալփը կրկին զգուշացրել է քաղաքացիներին, որ առանց թույլտվության գանձեր որոնողները կկանգնեն դատարանի առաջ։
Թուրքական KHA գործակալության փոխանցմամբ՝ Կարսի թանգարանի տնօրենը շեշտել է, որ գանձեր գտնելու համար անօրինական կերպով տարբեր վայրերում փոս փորողներն իրենց արարքով լուրջ խնդիրներ են ստեղծում հասարակության եւ միջավայրի համար։ Նեջմեթին Ալփը պնդել է, թե գանձ փնտրողները պետք է թուլտվության համար իրենց դիմեն, որից հետո կուսումնասիրվի տեղանքը եւ որոշում կկայացվի։
«Անօրիանական կերպով փոս փորողները կկանգնեն դատարանի առջեւ։ Դրանից խուսափելու համար խորհուրդ եմ տալիս ստանալ օրինական թույլտվություն»,-ասել է Կարսի թանգարանի տնօրենը։
Նշենք, որ ամբողջ Թուրքիայի տարածքում, որտեղ որ ապրել են հայերը, գանձ փնտրելու տենդ է։ Տեղի բնակիչները առիթը բաց չեն թողնում իրենց պատմական հայրենիքը մեկնած հայերից հետաքրքրվելու «թաքցրած գանձերով»՝ դրանք կիսվելու առաջարկ անելով նրանց։
Գանձերի մոլուցքով տառապողներն իրականացնում են սրբապղծություն՝ քանդելով հայերի գերեզմաներն ու եկեղեցիների հիմքերը։

Լուրեր Հայաստանից – NEWS.am
12.08.2011