Արևմտահայոց հարցերի ուսումնասիրության կենտրոնի նախաձեռնությամբ Արևմտյան Հայաստան այցելած ուխտավորների խումբը Դերսիմի Խոզաթ (Հոզաթ) քաղաքի սրճարաններից մեկում պատահաբար հանդիպեց մի երիտասարդ ու գեղեցիկ հայուհու` Ջանը Քափլային: Այս սիրունատես օրիորդը հայկական խմբին հայտնեց, թե ինքը երկկողմանի հայ է, բնակվում է Դերսիմի Մազկերտ (Մազգիրթ) քաղաքում, սովորում Մանիսայի համալսարանում: Ջանը Քափլան հայկական պատվիրակության անդամներին մի դեպք պատմեց իր համալսարանական կյանքից: Քափլայի խոսքերով` թեև ինքը հայ լինելու պատճառով ոչ մի խնդիր չի ունեցել ընկերների շրջապատում, քանի որ վերջիններս հարում են սոցիալ-դեմոկրատական գաղափարախոսոթյանը, սակայն համալսարանում մի անգամ վեճի է բռնել իր դասախոսի հետ, որովհետև վերջինս փորձել է ժխտել Հայոց ցեղասպանության փաստը:
Ջանը Քափլայի հետ ջերմ զրույցից հետո հայ ուխտավորները հրաժեշտ տվեցին խիզախ հայուհուն:
08.08.2011
Ակունք
Leave a Reply