Ամեն տարի Դերսիմ նահանգում կազմակերպող Մնձուրի բնության և մշակույթի փառատոնն այս անգամ կայացավ նահանգի տարբեր գավառներում հուլիսի 27-ից 31-ը: Այս տարի Դերսիմահայերի սոցիալական փոխօգնության կազմակերպության առաջարկով և Արևմտահայոց հարցերի ուսումնասիրության կենտրոն գիտահետազոտական հիմնադիրամի նախաձեռնությամբ փառատոնին մասնակցեց նաև Մգրո Սարգսյանի անվան «Մարաթուկ» պարի-երգի ազգագրական համույթը (գեղ. ղեկավար` Երվանդ Թորոսյան, տնօրեն` Հասմիկ Բաղդասարյան, պարուսույց` ՀՀ վաստակավոր արտիստ Արտաշես Կարապետյան): Հայաստանյան պատվիրակության կազմում համույթի անդամներից և Արևմտահայոց հարցերի ուսումնասիրության կենտրոնի աշխատակիցներից բացի ընդգրկված էին նաև բժիշկներ ու մտավորականներ: Դերսիմում հայաստանյան պատվիրակությանը միացավ պոլսահայերի մի մեծ խումբ` «Ակօս» շաբաթաթերթի խմբագիրների գլխավորությամբ: Պատվիրակությունը 5 օր մնաց Դերսիմում, եղավ նահանգի տարբեր գավառներում և երեք անգամ պաշտոնական համերգ տվեց Մնձուրի բնության և մշակույթի փառատոնի շրջանակներում: Դերսիմի փառատոնի ավարտից հետո պատվիրակությունն այցելեց նաև Տիգրանակերտ (Դիարբեքիր), Մուշ, Վան, Կարս և Անի: Ուխտավորների խումբը օգոստոսի 5-ին վերադարձավ Երևան:
Հայտնում ենք մեր ընթերցողներին, որ Արևմտահայոց հարցերի ուսումնասիրության կենտրոնը շուտով մանրամասներ կհաղորդի իր նախաձեռնությամբ կատարված այս ուխտագնացության մասին:
06.07.2011
[fgallery id=2 w=450 h=385 t=0 title=”Mntsur 2011 – 2″]
Leave a Reply