Հուլիսի 31-ին Թունջելիի /Դերսիմ/ մարզադաշտում տեղի ունեցավ Մնձուրի բնության և մշակույթի փառատոնի հանդիսավոր փակումը: Հուլիսի 27-ից 31-ը կայացած այս փառատոնի շրջանակներում համերգներ տրվեցին, և սոցիալական ու բնապահպանական տարբեր թեմաներով քննարկումներ կազմակերպվեցին Դերսիմ նահանգի տարբեր գավառներում:
Փառատոնի փակման արարողության ժամանակ հանդես եկան Մունզուր երաժշտախումբը, ժողովրդական երգերի սիրված զազա կատարող Միքայել Ասլանը, ինչպես նաև` Հայաստանից փառատոնին մասնակցող Մգրո Սարգսյանի անվան «Մարաթուկ» երգի-պարի ազգագրական համույթը և այլն: Ինչպես փառատոնի նախորդ համերգներին, այս անգամ ևս հանդիսատեսը ոչ միայն դիտում էր համերգը, այլև միաժամանակ հնչեցնում քաղաքական և սոցիալական պահանջներ:
Նախքան «Մարաթուկի» բեմ դուրս գալը` Միքայել Ասլանը հանպատրաստից կերպով զուգերգով հանդես եկավ հայերեն ու զազայերեն` «Մարաթուկ» երգի ու պարի ազգագրական համույթի կատարողներից Արտաշես Խաչատրյանի հետ: Այս կատարումը արժանացավ հանդիսատեսի ջերմ ծափահարությանը: Մնձուրի բնության և մշակույթի 11-րդ փառատոնի հանդիսավոր փակումը կատարեց «Մարաթուկ» երգի ու պարի ազգագրական համույթը:
akunq.net
Դերսիմ
Leave a Reply