Դերսիմում տեղի կունենա Մնձուրու փառատոնը

Դերսիմում այս օրերին կայանալու է Մնձուրու փառատոնը։ Ժամանակակից Թուրքիայում գտնվող պատմական Խարբերդի այս շրջանում, որն ավերածություններ ու կոտորած է տեսել ինչպես 1915-ին, այնպես էլ 1936-38 թվականներին, Մնձուրու ադրեն ավանդական դարձած փառատոնին մասնակցում են հազարվոր մարդիկ, բազում խմբեր։

Անցնող երկու տարիներին շատ դերսիմցիներ վերադառնում են իրենց հայկական արմատներին։ Այսօր Երեւանից մի քանի տասնյակ մարդ ուղեւորվել է Դերսիմ՝ ներկա գտնվելու այդ փառատոնին։

Արեւմտահայության հարցերի ուսումնասիրման կենտրոնի նախաձեռնությամբ, պատմական հայրենիք են ուղեւորվել մեր շատ հայրենակիցներ եւ ազգագրական երգի “Մարաթուկ” համույթը։ Նրանց այցելությունը կազմակերպել է Դերսիմի հայերի միությունը։

Այցելություններ են լինելու նաեւ Վան, Մուշ, Դիարբեքիր եւ այլ բնակավայրեր։ Ուխտավորներին ուղեկցում է նաեւ “Երկիր մեդիայի” նկարահանող խումբը. այցի մանրամասները կներկայացնենք հետագա օրերին։

http://yerkirmedia.am/?act=news&lan=hy&id=1823