ԱՄՆ-ի կողմից քայլ` դեպի «քրիստոնյաների նկատմամբ հարգանքը»

Թուրքիայից «երկրում բնակվող քրիստոնյաների իրավունքների հանդեպ լիովին հարգանք ցուցաբերել» պահանջող թիվ 306 բանաձևի վերջին հատվածն ընդգրկվեց ԱՄՆ Ներկայացուցիչների պալատի Արտաքին հարաբերությունների հանձնաժողովում քննարկվող փաթեթային օրինագծում:

Առաջարկում ԱՄՆ պետքարտուղարից պահանջվում է Թուրքիայի առաջնորդների և պաշտոնյաների հետ բոլոր պաշտոնական հանդիպումների ժամանակ նրանց կոչ անել` «վերջ տալ երկրում առկա կրոնական խտրականությանը, երաշխիքի տակ առնել քրիստոնյաների իրավունքներն ու կրոնական ազատությունները և եկեղեցական գույքերի իրավական տերերին վերադարձնել դրանք` առանց որևէ արգելքի ու դժվարությունների»:

Առաջարկում չի ներառվել թիվ 306 բանաձևում տեղ գտած «Օսմանյան կայսրության տիրապետության տակ գտնվող քրիստոնյաների միտումնավոր ոչնչացումը» արտահայտությունը, որը կարող էր հիմք լինել 1915 թ. իրադարձությունների (Հայոց ցեղասպանության-Ակունքի խմբ.) վերաբերյալ հայերի պնդումների համար:

Հանձնաժողովի ստաժավոր անդամ և նախկին նախագահ, դեմոկրատ Հովարդ Բերմանի ու Դեյվիդ Սիսիլինի կողմից առաջարկվել է սույն առաջարկն ընդգրկել Պետքարտուղարության պաշտոնյաների օրենքում: Առաջարկն ընդունվել է 1 դեմ, 43 կողմ ձայներով: Դեմ է քվեարկել Ռոն Փոլը:

Ինչ վերաբերում է հանձնաժողովի նախագահ Իլենա Ռոս-Լեհտինենին, ով հետ էր վերցրել իր ստորագրությունը թիվ 306 բանաձևից, ապա վերջինս ուշագրավ կերպով կողմ է քվեարկել առաջարկին:

Անադոլու գործակալությունը հաղորդում է Վաշինգտոնից

http://www.ntvmsnbc.com/id/25234094/