Հայ քաղաքացիական-հասարակական կազմակերպությունների անդամներին ընդունած արտգործնախարար Դավութօղլուին ներկայացուցիչներից մեկն ասաց. «Ես ծագումով Էրզրումից եմ (Կարին): Ուզում եմ տեսնել Էրզրումը»: Դավութօղլուն էլ պատասխանեց. «Մի օր կարող ես գալ, անգամ տուն գնել և բնակվել այնտեղ…»:
Հայկական քաղաքացիական-հասարակական կազմակերպությունների ներկայացուցիչները, ովքեր առաջին անգամ էին լինում Անկարայում, հանդիպեցին արտաքին գերատեսչության ղեկավար Ահմեդ Դավութօղլուի հետ: Դավութօղլուին ներկայացուցիչներից մեկն ասաց. «Ես ծագումով Էրզրումից եմ (Կարին): Ուզում եմ տեսնել Էրզրումը»: Դավութօղլուն էլ պատասխանեց. «Մի օր կարող ես գալ, անգամ տուն գնել և բնակվել այնտեղ…»:
Թուրքիայի տնտեսական քաղաքականությունների ուսումնասիրության հիմնադրամը (TEPAV) 2009 թ. ի վեր մի շարք աշխատանքներ է կատարում Հայաստանի քաղաքացիական-հասարակական կազմակերպությունների հետ` Թուրքիայի և Հայաստանի միջև արձանագրությունների գործընթացում առաջխաղացում ապահովելու համար: Աշխատանքների ընթացքում երկու երկրների քաղաքացիական-հասարակական կազմակերպությունները հանդես են գալիս փոխադարձ այցերով: Այդ շրջանակում Հայաստանից որոշ քաղաքացիական-հասարակական կազմակերպություններ առաջին անգամ ժամանեցին Անկարա: Յունուս Էմերի անվան հիմնադրամում ևս հանդիպում ունեցած պատվիրակությունն այցելեց նաև Ահմեդ Դավութօղլուին: Մարդկային զարգացման կենտրոնի նախագահ Թևան Պողոսյանը, հանդիպման ժամանակ իր ափսոսանքն արտահայտելով արձանագրությունների գործընթացի սառեցման կապակցությամբ, նշեց, թե իրենք խնդրում են, որ Թուրքիան հնարավորինս շուտ օրակարգ բերի արձանագրությունները:
Սահմանը փակ է, ինքնաթիռը` թանկ
Պողոսյանն ասելով, թե «Գնդակը Թուրքիայի դաշտում է», նաև արձանագրեց. «Ինչպես նշել է ԱՄՆ պետքարտուղար Հիլարի Քլինթոնը, թող առաջին քայլը Թուրքիան անի»: Պողոսյանը նաև շեշտեց, թե սահմանի բացման շնորհիվ Թուրքիայի ազդեցությունը տարածաշրջանում կավելանա: Պողոսյանը լրագրողներին հայտնելով, թե ինքը Դավութօղլուին բացատրել է, որ 4 աղջիկ ու մի տղա զավակների տեր է, և որ մեծ ընտանիքով ուղևորությունները թանկ են նստում, ասաց. «Ես ուզում եմ իմ սեփական մեքենայով սահմանը հատելով` գալ Թուրքիա: Երբ դա հայտնեցի Դավութօղլուին, նրանից էլ տեղեկացա, որ ինքը 3 աղջիկ ու մի տղա երեխաներ ունի: Նրան ասացի, որ գիտեմ, թե որքան շատ գումարներ են պահանջվում` մեծ ընտանիք պահելու համար»:
Աղավնի Կարախանյանը նույնպես հայտնեց, որ հայաստանցիների մեծ մասը, անձնական դրդապատճառներից ելնելով, ցանկություն ունի անցնել սահմանը: Կարախանյանը նշելով, թե ինքը ծագումով Էրզրումից է, նաև հաղորդեց, թե իր մեծ մայրը տարբեր պատմություններ է իրեն պատմել Էրզրումի մասին: Կարախանյանը հայտնելով, թե իր մեծ մայրն ու մեծ հայրը Հայաստան են գաղթել 1860 թ.` առաջին գաղթի ալիքի հետ, ասաց. «Հորեղբայրս պատմաբան է: Նա նաև հեքիաթներ ու պատմություններ է գրում: Նրա պատմվածքներում արտահայտված է այն կարոտը, որ տածում է մեր հեռացած վայրերի նկատմամբ: Համոզված ենք, որ այդ տեղերը հիմա լքված վիճակում չեն գտնվում, սակայն մենք ցանկանում ենք տեսնել այն վայրերը, որտեղ ապրել են պապս ու տատս»: Կարախանյանը լրագրողներին հայտնեց, թե Դավութօղլուն իրեն պատասխանել է` «Մի օր կարող եք գալ ու բնակվել այդ վայրերում: Մենք թե’ համերկրացիներ ենք և թե’ համընդհանուր պատմություն ենք ունեցել»:
45 րոպե տևած հանդիպման ժամանակ անդրադարձ է եղել նաև 1915 թ. դեպքերին (Հայոց ցեղասպանությանը-Ակունքի խմբ.): Դավութօղլուն վկայակոչել է «արդար հիշողությունը»: Ինչ վերաբերում է խմբի անդամներին, ապա վերջիններս արձանագրել են, թե այդ թեման Թուրքիայում, առաջվա հետ համեմատ, ավելի բաց մթնոլորտում է քննարկվում:
Նեշե Քարանֆիլ
20.07.2011
Ռադիկալ
Leave a Reply