Բանաձեւի դեմ պայքար ԱՄՆ-ում

ԱՄՆ Ներկայացուցիչների պալատին հայկական ու հունական լոբբիների կողմից մի բանաձև էր ներկայացվել` «Թուրքիայում քրիստոնյաների նկատմամբ վատ վերաբերմունք դրսևորելու» մասին: Սակայն բանաձևը կորցրել է իր օրինականությունը` Արտաքին հարաբերությունների հանձնաժողովի նախագահի` սեփական ստորագրությունը հետ վերցրնելու պատճառով:

Թուրքական tgrthaber.com կայքի փոխանցմամբ` ԱՄՆ-ի Ներկայացուցիչների պալատին «Եկեղեցիների վերադարձը» վերնագրով ներկայացված վերջին նախագծում Թուրքիայի կառավարությանը կոչ է արվում «վերջ տալ երկրի քրիստոնյաների հանդեպ դրսևորվող վատ վերաբերմունքին»: Բացի այդ, սույն բանաձևում Թուրքիայից պահանջվում է հետ վերադարձնել հայերին, ասորիներին, պոնտոսցիներին և մյուս քրիստոնյա համայնքներին պատկանող և նրանցից խլված եկեղեցական գույքերը»: Բանաձևն անցյալ ամիս ներկայացվել էր Ներկայացուցիչների պալատին, սակայն նախագծի տակ ստորագրած Արտաքին հարաբերությունների հանձնաժողովի նախագահ Իլենա Ռոս-Լեհտինենը հետ է վերցրել իր ստորագրությունը: Այդպիսով` բանաձևը չի ընդունվել` առանց բերվելու Ներկայացուցիչների պալատի օրակարգ: Սակայն նախագծի աջակիցները ջանում են բանաձևի տեքստը մտցնել մեկ այլ օրինագծում: ԱՄՆ-ում Թուրքիայի դեսպանատունը, լոբբիստական կազմակերպությունները և թուրք-ամերիկյան միությունները, թուրք հասարակության անունից Կոնգրեսի անդամներին նամակ հղելով, արշավ են սկսել սույն բանաձևի դեմ:

20.07.2011

http://www.tgrthaber.com/news_view.aspx?guid={1983461B-0FEB-4E7C-9EB7-47CB29DDF8DC}