Սասունի հայերի միության նախագահ Ազիզ Դաղջըն հայտնելով, որ 2973 մ բարձրությամբ Մարութա լեռան գագաթին գտնվող Սուրբ Աստվածածին եկեղեցու` Հալեպից բերված և 1500 տարվա պատմություն ունեցող դուռը գողացել են, ասաց. «Դռան գողացված լինելու պատճառով մեր կրոնական արարողություններն անկատար են մնում: 10 տարի շարունակ որոնել ենք այդ աննման դուռը, բայց չենք կարողացել գտնել: Աջակցություն ենք սպասում Մշակույթի և զբոսաշրջության նախարարությունից»:
Դուռը տարել են գանձ որոնողները
2011 թ. հուլիսի 30-ին դեպի Մարութա լեռ նախատեսվող լեռնագնացությունից առաջ 2973 մ բարձրությամբ լեռան գագաթին գտնվող Սուրբ Աստվածածին եկեղեցու դռան գողացված լինելու մասին հայտնած Սասունի հայերի միության նախագահ Ազիզ Դաղջըն գանգատվում է, որ իրենք չեն կարողանում կրոնական արարողություններ անել եկեղեցում: Դաղջըն նշելով, թե հայերին պատկանող այդ անգին դուռը գողացվել է գանձ որոնողների կողմից, ասաց. «Մարութայի գագաթին գտնվող այս նշանավոր եկեղեցու դուռը, արդեն շուրջ 10 տարի է, ինչ կորել է: Չնայած բոլոր որոնումներին` դռան հետքն անգամ չենք կարողացել գտնել: Բաթմանի նահանգային ղեկավարները և Դիարբեքիրի մշակութային և բնական հարստությունների իրավասուները չեն կատարում են իրենց պարտականությունները` այս դուռը գտնելու համար: Դռան գողացված լինելու պատճառով մեր արարողությունները կիսատ են մնում: Այս հարցում աջակցություն ենք ակնկալում իրավասու անձանցից»:
Նախագահ Դաղջըն նաև խնդրագիր է հղել Թուրքիայի մակույթի և զբոսաշրջության նախարարություն և խնդրել` գտնել դուռը:
«Նախքան ներս մտնելը պարտադիր համբուրում էինք դուռը»
Դաղջըն հայտնելով, որ մոտ 3000 մ բարձրությունը դժվարությամբ հաղթահարելուց հետո իրենք եկեղեցում իրականացնում էին կրոնական արարողությունները, հավելեց. «Երբ մերկ ոտքերով հասնում էինք Մարութայի գագաթը, նախ համբուրում էինք Հալեպից բերված երկաթյա դուռը, ապա մեր աղոթքն էինք անում Սանասար ու Բաղդասար եղբայրների դամբարանի մոտ ասելով` «Կա’մ Մարութա, կա’մ Շեյխ Բազիթ, ների’ր մեր գործած մեղքերը: Ձեզ ենք ապավինում: Պահպանեք մեզ բոլոր վատ բաներից: Օգնեք մեզ, որ մեղք չգործենք»: Քանի որ մուսուլմաններին պատկանող Շեյխ Բազիթի գերեղմանն էլ էր մոտ գտնվում եկեղեցուն, նրանից էլ էինք օգնություն հայցում: Ոգևորված ենք, որովհետև Հուլիսի 30-ին մեր մուսուլման եղբայրների հետ մեկտեղ աղոթելու ենք Մարութայի գագաթին: Ցանկանում ենք գտնել մեր դուռը, որպեսզի մեր կրոնական արարողությունը թերի չլինի:
Leave a Reply