Իրենց մայր հայրենիք Միջագետքի հինավուրց տարածքներից դեպի ԱՄՆ և Կանադա գաղթել հարկադրված մի խումբ մարդինցի հայեր այցելեցին Դերիկ գավառում գտնվող Դերա Սոր (Սուրբ Գևորգ) եկեղեցին:
Կանադայում և Ամերիկայում բնակվող մի խումբ հայեր այցելեցին Մարդինի Դերիկ գավառում գտնվող Դերա Սոր (Սուրբ Գևորգ) հայկական եկեղեցին: Խմբին ընդունեցին Դերիկի քաղաքապետ Չաղլար Դեմիրելը և Խաղաղություն ու ժողովրդավարություն կուսակցության ներկայացուցիչները: Հայերի խումբը եկեղեցում շրջելուց հետո աղոթք ու պատարագ արեց: Եկեղեցում ելույթ ունեցած Դերիկի քաղաքապետ Չաղլար Դեմիրելը նշելով, որ Դերիկը երախտապարտ է հայ և ասորի ժողովուրդներին, ասաց. «Այսօր մեր ժողովրդի գոյության գլխավոր աղբյուրը դարձած ձիթապտուղը հայ ու ասորի ժողովուրդների կողմից մեզ թողնված ժառանգությունն է: Մեր` որպես քուրդ ազգի հիմնական ցանկությունն է գրկախառնվել և ապրել Միջագետքի բոլոր ժողովուրդների հետ»:
Դիջլե լրատվական գործակալություն
20.06.2011
Leave a Reply