Այլ շրջաններից ընտրողներ բերելը դատական գործ հարուցելու պատճառ դարձավ

Թուրքական «Սաբահ» օրաթերթի հաղորդմամբ Պոլսո հայոց պատրիարքարանին կից եկեղեցիների կենտրոն հանդիսացող Բեյօղլուի Սուրբ Երրորդություն եկեղեցու վաքըֆում 6 ամիս առաջ կատարաված ընտրությունները շահարկումների պատճառ հանդիսացան: Համայնքի անդամը, ով պնդում է, որ այլ շրջաններից ընտրողներ են բերվել, 604 կասկածյալի դեմ «պաշտոնական փաստաթղթի մեջ կեղծարարություն» կատարելու մեղադրանքով 2-5 տարի ազատազրկման պահանջով դատական գործ է հարուցել: Ոստիկանությունն ու դատախազությունը հետաքննություն են սկսել, երբ Ստամբուլի Բեյօղլու թաղամասի Ձկան շուկայում գտնվող Սուրբ Երրորդություն հայկական եկեղեցու փետրվար ամսին կատարված ընտրությունների վերաբերյալ ծանուցում են ստացել:

Մահմուդ 2-րդի ֆերմանով կառուցված և 1807 թ. Հոգեգալստյան տոնին ծիսական արարողությունների համար բացված եկեղեցու ընտրությունը, որը տեղի է ունեցել Վաքըֆների գլխավոր տնօրինության օրակարգային դարձնելու պահանջով, դատական գործի է վերածվել: Համաձայն պնդումների` հունվարին տեղի ունեցած առաջին ընտրություններին արդեն 26 տարի վաքըֆը (վաքըֆի ունեցվածքների շարքում է նաև պատմական Թոքաթլյան խանը) ղեկավարող Ափիկ Հայրապետյանի (86) համախոհների և ընդդիմադիր խմբի միջև վիճաբանություն է ծագել: Վաքըֆի ղեկավարությանը քննադատել են, որ 400-ից ավել թափու ունեցող վաքըֆը վատ է կառավարում, համայնքի նկատմամբ շիտակ չէ, անշարժ գույքերից բավականաչափ եկամուտ չի ստանում: Երբ վիճաբանությունը թեժացել է, ոստիկանությանը դիմած համայնքի մի անդամ ծանուցում է գրել` ասելով` «Եկեղեցու վրա հարձակվել են»:

Ոստիկանությունը ժամանել է դեպքի վայր, ընտրությունները մեկ ամսով հետաձգվել են, սակայն երկրորդ ընտրություններին ևս պատկերը չի փոխվել: Մթնոլորտն էլ ավելի է շիկացրել այն, որ ընտրություններին պետք է մասնակցեին Թաքսիմում և Բեյօղլուում բնակվող 550 բնակիչ, սակայն ավտոբուսներով Սամաթիայից, Յեշիլքյոյից, Բաքըրքյոյից ընտրողներ են բերել: Համաձայն վաքըֆի ղեկավարության` ընտրացուցակում անհրաժեշտ է գրանցել միայն Բեյօղլու գավառում բնակվող 18 տարին լրացած առաքելական հայերին: Ընտրություններում հաղթել է նախկին ղեկավար կազմը: Մինչդեռ Ընտրական խորհրդի նախագահ Արա Ըշըթմանը ընտրություններից հետո` ապրիլի 15-ին, բողոք է ներկայացրել դատախազություն և ոստիկանություն: Ըշըթմանն ասել է, թե հաստատել է, որ 604 համայնքի անդամ չի բնակվում Բեյօղլուում: Հետաքննությունը սկսած դատախազությունը հաստատել է, որ 604 հոգի ընտրողներն այլ գավառներում և թաղամասերում են բնակվում, ընտրողների ընտրացուցակում գրանցվելու համար թաղապետերից փաստաթուղթ են ստացել առ այն, որ բնակվում են Թաքսիմի և Բեյօղլուի շրջանում, այնուհետև քվեարկել: «Պաշտոնական փաստաթղթերում կեղծարարություն կատարելու մեղադրանքով» 2-5 տարի ազատազրկման պահանջով դատական գործ է հարուցվել: 604 հոգու 3020 տարվա ազատազրկում մեղադրական եզրակացության մեջ ասվում է, որ 604 հոգին չեն ապրում Թաքսիմում և Բեյօղլուում, թեև փաստված է, որ առաքելական եկեղեցու հետևորդ են, սակայն «մկրտության փաստաթուղթը» ընտրության ժամանակ չեն ներկայացրել: Դատավարության ժամանակ համայնքի անդամների համար պահանջվում է մինչև 3020 տարվա ազատազրկում:

 Ալի Օքթայ

«Սաբահ»

15.07.2011