Ինչպես հաղորդում է «Անադոլու» լրատվական գործակալությունը, օրերս Թուրքիայի Մշակույթի և զբոսաշրջության նախարար Գյունայն, այցելելով Էսքիշեհիրի Սիվրիհիսար գավառ, տեղում ծանոթացել է Սիվրիհիսարի մի շարք պատմական կոթողների` այդ թվում նաև 1881 թ. կառուցված Սուրբ Երրորդություն հայկական եկեղեցու վերանորոգման աշխատանքներին:
Նախարար Գյունային եկեղեցու վիճակի մասին տեղեկություններ են հաղորդել Անկարայի չափագրման և հուշարձանների տնօրեն Ահմեդ Իմամօղլուն և Սիվրիհիսարի քաղաքապետ Ֆիքրեթ Արսլանը:
Լրագրողների հետ հանդիպման ժամանակ նախարար Գյունայը, խոսելով Սուրբ Երրորդություն եկեղեցու վերանորոգման աշխատանքներից, մասնավորապես 
ասել է. «Մինչև 2011 թ. վերջը վերանորոգման աշխատանքները կավարտվեն: Այսպիսով` Սիվրիհիսարը կդառնա և’ հուշարձան-թանգարան, և’ մշակութային կենտրոն, որտեղ անց կկացվեն տարատեսակ երաժշտական միջոցառումներ, գիտաժողովներ, հարցազրույցներ: Եկեղեցու բակում կառուցվելու է արձանների արհեստանոց»:
Էսքիշեհիր
Անադոլու
գործակալություն
10.07.2011
Leave a Reply