«Ակօս» թերթի հաղորդմամբ` 2011 թ. հուլիսի 2-ին Իշխանաց կղզիների թանգարանում բացվել է «Կղզիներ, շենքեր, ճարտարապետներ» ցուցահանդեսը: Կղզիների վաքըֆի և Կղզիների քաղաքապետարանի նախաձեռնությամբ բացված ցուցահանդեսի կուրատորը Հասան Քուրույազըջըն է, ով ավելի շուտ կազմակերպել էր «Ստամբուլի հայ և հույն ճարտարապետները» ցուցահանդեսները:
«Կղզիներ, շենքեր, ճարտարապետներ» ցուցահանդեսը ծանոթացնում է Կղզիների ճարտարապետների, նրանց ստեղծագործությունների` շենքերի պատմության հետ: Ցուցահանդեսն անվճար է, տեղի է ունենալու «Չընար» բացօթյա ցուցահանդեսների հրապարակում:
2010 թ. բացված Կղզիների թանգարանը, որը ներկայացնում է Կղզիների 600-ամյա անցյալի ու հիմնադրման պատմությունը, ամառն սկսում է հենց այս ցուցահանդեսով:
Ակօս, թիվ` 795
Leave a Reply