Ուրֆացի շինարար-բանվոր Յըլմազ Գյուրհանը և Մյուրքայիլ Չելիքը վարորդական իրավունքի քննություններին մասնակցելու համար մեկնել են Մանիսա «Մեթրո թուրիզմ» ընկերությանը պատկանող ավտոբուսով: Ուղևորության ընթացքում իրար հետ քրդերենով զրուցող երկու ընկերները վրդովեցրել են ավտոբուսի վարորդին ու նրա օգնականին, և վերջիններս կես ճանապարհից իջեցրել են ուղևորներին:
Գյուրհանն ու Չելիքը ճանապարհին մի պատահական ավտոմեքենա են կանգնեցրել և պատմելով իրենց գլխին եկածը` ասել. «Մենք լուռ չենք մնալու այդ դեպքի մասին և դիմելու ենք համապատասխան ատյանների»:
Ինչ վերաբերում է «Մեթրո թուրիզմ» ընկերության իրավասուներին, ապա վերջիններս «Ֆըրաթ» լրատվական գործակալությանը հայտնել են, թե իրենց ընկերությունը խտրականություն չի անում քրդերի հանդեպ, և որ վերոհիշյալ ավտոբուսի վարորդն ու նրա օգնականը ազատվելու են աշխատանքից:
Ֆըրաթ լրատվական գործակալություն
06.07.2011
Leave a Reply