Կառավարությունում հուլիսի 6-ին տեղի է ունեցել Անին Բագրատունյաց թագավորության մայրաքաղաք հռչակման 1050-ամյակին նվիրված հոբելյանական միջոցառումների նախապատրաստմանը վերաբերող խորհրդակցություն, որը վարել է վարչապետ Տիգրան Սարգսյանը:
Կառավարության մամուլի ծառայությունից NEWS.am-ին հայտնում են, որ խորհրդակցության ընթացքում քննարկվել են հոբելյանական միջոցառումների նախապատրաստման հանձնաժողովի կազմը, միջոցառումների ծրագիրն ու դրանց ֆինանսավորման հետ կապված հարցեր:
Ըստ առաջարկվող միջոցառումների ծրագրի` նախատեսվում է Երեւանում կազմակերպել միջազգային գիտաժողով, ցուցահանդեսներ` Հայաստանում եւ Սփյուռքում, հրատարակել Անի մայրաքաղաքի լուսանկարների ալբոմ:
Նիստի ընթացքում առաջարկվել է ստեղծել նաեւ Անի մայրաքաղաքի եռաչափ ցուցադրության կայքէջ, նկարահանել միջնադարյան Հայաստանի մայրաքաղաքի մասին պատմող ֆիլմ:
Նիստի ավարտին վարչապետը հայտնել է, որ հանձնաժողովն ղեկավարելու է ՀՀ ԳԱԱ նախագահ, ակադեմիկոս Ռադիկ Մարտիրոսյանը:
06.07.2011
Leave a Reply