Հանրապետական գլխավոր դատախազությունը ողջ լրատվամիջոցներին հաղորդագրություն է ուղարկել` պահանջելով վարչապետ Ռեջեփ Թայիփ Էրդողանի՝ Հոպայի քարոզարշավից առաջ, այդ պահին և հետո տեղի ունեցած դեպքերի ու այս դեպքերի ժամանակ սպանված Մեթին Լոքումջուի թաղման արարողության վերաբերյալ հրատարակված և չհրատարակված բոլոր նկարներն ու պատկերները:
Ողջ լրատվամիջոցներին ուղարկված հաղորդագրության տակ ստորագրված է Հոպայի հանրապետական գլխավոր դատախազության փաստահավաք բյուրոյի հանրապետական դատախազ Նիհաթ Հըրքա: Ներկայացնում ենք հաղորդագրությունը.
«Հիմք ընդունելով մեր հանրապետական գլխավոր դատախազության կողմից սկսած հետաքննությունը` խնդրում ենք ուղարկել 2010 թ. մայիսի 31-ին վարչապետ Ռեջեփ Թայիփ Էրդողանի՝ Հոպայի քարոզարշավից առաջ, այդ պահին և հետո տեղի ունեցած դեպքերի, որը հասարակության մեջ հայտնի է որպես «Հոպայի դեպքեր», և դեպքերի ժամանակ հիվանդությունից մահացած Մեթին Լոքումջուի 01.06.2011 թ. թաղման արարողության վերաբեյալ հրապարակված և չհրապարակված բոլոր լուսանկարներն ու պատկերները /չափումների համար ցանկալի է թվային ֆորմատով`(CD կամ DVD)- /»:
Լրատվամիջոցներին ուղարկած հաղորդագրության մեջ նշված է, որ տաս օրվա ընթացքում պետք է պատասխան տալ դատախազությանը, իսկ եթե այդ ժամանակահատվածում անհնար է ներկայացնել պահանջված փաստաթղթերը, պետք է հայտնել, թե ամենաուշը երբ կարող են պատասխանել, հակառակ դեպքում պատասխանատուների վերաբերյալ թուրքիայի քրեկան օրենսգրքի 257-րդ հոդվածին հակասելու հիմնավորմամբ դատական գործընթաց է սկսվելու:
33 հոգի ձերբակալվել է
Նախքան հունիսի 12-ի ընտրությունները՝ Էրդողանի նախընտրական քարոզից առաջ տեղի ունեցած բողոքի ցույցերին մասնակցած 13 հոգի Արդվինում ձերբակալվել են: Անկարայի հատուկ իրավասության հանրապետական դատախազության կազմակերպած հետաքննությունների շրջանակում ձերբակալվել է 20 հոգի, ովքեր բողոքի ցույց էին կազմակերպել` դժգոհություն հայտնելու Հոպայի դեպքերի ժամանակ մահացած թոշակառու ուսուցիչ Մեթին Լոքումջուի մահվան համար:
«Ֆըրաթ» լրատվական գործակալություն
30.06.2011
Leave a Reply