Սուրի քաղաքապետարանում կայացած «Հեքիաթների դիվան» միջոցառումը

Շարունակվում է Սուրի քաղաքապետարանի կողմից ամեն շաբաթ կազմակերպվող «Հեքիաթների դիվան» միջոցառումը:

Քաղաքապետարանից ստացված գրավոր մեկնաբանության մեջ նշվում է, որ նախագծի շրջանակում Սավաշ թաղամասի տներից մեկում կայացած «Հեքիաթների դիվան» միջոցառմանը մասնակցել են գրողներ Մկրտիչ Մարկոսյանն ու Շեյհմուս Դիքենը, ինչպես նաև` Սուրի քաղաքապետ Աբդուլլահ Դեմիրբաշը:

Միջոցառման ժամանակ, որում ներկայացվել են քրդական հեքիաթներ, իր հուշերը պատմելիս հուզված Մկրտիչ Մարկոսյանը ասել է. «Ես կուզեի ձեզ հետ քրդերեն խոսել. մանկությանս ժամանակ քիչ թե շատ գիտեի քրդերեն: Քանի որ 50 տարուց ի վեր ոչ մեկի հետ չեմ խոսել, իմացածս էլ եմ մոռացել»:

Քաղաքապետարանից ստացված գրավոր մեկնաբանության մեջ նշվում է, որ Դեմիրբաշը շեշտելով, թե Մարկոսյանն էլ է Դիարբեքիրի մի մասնիկը, ասել է. «Քանի որ մենք ինքներս մեզ ավելի լավ ճանաչեցինք, ավելի շատ սկսեցինք Ձեզ սիրել: Իրեն չճանաչող ժողովուրդը սխալ թույլ կտա այլ ժողովրդի հանդեպ: Հայերեն մանկական գիրքը, որը հրատարակվելու է մոտ ապագայում, Ձեզ ենք ընծայում: Մենք` քրդերս, ինչ որ ցանկանում ենք մեզ, նույնն էլ մաղթում ենք թուրքերին, հայերին, ասորիներին, քաղդեացիներին և մյուս բոլոր ժողովուրդներին: Մեր նպատակն է ամեն գիշեր հեքիաթ ընթերցելով` ցույց տալ, որ չենք մոռացել մեր անցյալը և իմանալ մեր լեզուն ու մշակույթը, միևնույն ժամանակ ժողովներ անելով` հաղորդակցություն ապահովել ընտանիքների միջև և ստեղծել ժողովրդավարական ընտանիք»:

«Անադոլու» գործակալություն

27.02.2011