Վանի ավիաուղիներ ընկերությունը պատրաստվում է տեղափոխել թուրք և հայ գործարարներին

 Վերջիհան Զիֆլիօղլու

Միջոցներ են ձեռնարկվել` վանեցի և հայաստանցի գործարարների տեղափոխումը դյուրին դարձնելու ուղղությամբ: Շաբաթական երկու անգամ իրականացվող Ստամբուլ-Երևան չվերթներին ավելանալու են նաև Վան-Երևան թիչքները: Վանի ավիաուղիներ ընկերության ղեկավար Ասլան Բայրանն ասաց. «Բացվող սահմանները և մնայուն խաղաղության մթնոլորտը, որը կարելի է ապահովել, շահավետ կլինի երկու կողմերի համար. առևտուրը կաշխուժանա»:

Վանի ավիաուղիները թռչելու է Երևան: Ձմեռային ամիսներին շաբաթական երկու անգամ պարբերաբար իրականացվող Ստամբուլ-Երևան ու Տրապիզոն-Երևան, ամառային ամիսներին էլ՝ Անթալիա/Բոդրում-Երևան չվերթներին ավելանալու են Վան-Երևան թռիչքները: Չվերթներն իրականացնելու է վանեցի գործարար Արսլան Բայրամը` իր իսկ կողմից վարձված հատուկ ինքնաթիռներով: Բայրամի նպատակն է աշխուժացնել հայաստանցի և վանեցի գործարարների միջև առևտուրը` ժամանակ խնայելով նրանց համար, ինչպես նաև` զարկ տալ դավանանքի զբոսաշրջության զարգացմանը:

Բայրամը “Hurriyet Daily News and Economic Review” օրաթերթին տված հարցազրույցում նշեց, թե Վանի և Երևանի միջև ավիաթռիչքներ սկսելը կնպաստի տվյալ նահանգի մշակութային, տնտեսական և կրոնական զբոսաշրջության զարգացմանը և հավելեց. «Պահանջարկից ելնելով` ցանկանում ենք ընդարձակել մեր չվերթների ուղղությունը ոչ միայն դեպի Հայաստան, այլ նաև` Իրաք ու Իրան, մնացել է լուծել միայն մի քանի ընթացակարգային խնդիրներ»:

Բայրամն ընգծելով, թե իրենց ուրախություն կպատճառի Հայաստանի հետ հիմնվելիք բարեկամությունը, հավելեց. «Բացվող սահմանները և ապահովվելիք մնայուն խաղաղության մթնոլորտը կնպաստեն երկու կողմերի միջև առևտրային աշխուժությանը»:

Թուրքիայի արևելյան նահանգներից Վանը գտնվում է Հայաստանից ընդամենը մի քանի կմ հեռավորության վրա, սակայն փակ սահմանադռների պատճառով հնարավոր չի լինում ցամաքային ճանապարհով փոխադրումը, հետևաբար` Թուրքիայի արևելյան նահանգների և Հայաստանի միջև առևտուրն իրականացվում է Վրաստանի վրայով: Թուրքիայի և Հայաստանի միջև սահմանները 1993 թ. միակողմանի կերպով փակվել են Թուրքիայի կողմից` Ադրբեջանի և Հայաստանի միջև պայթած պատերազմի պատճառով:

Զբոսաշրջիկների թվի ավելացում

Բայրամը Վանում տարիներ շարունակ գործած Բայրամ հյուրանոցի և «Բեսթվան տուր» ընկերության տնօրենն է: Բայրամը հետևյալ պատասխանը տվեց այն հարցին, թե ինչու է ընտրվել օդային սեկտորը. «Ի նկատի ունեցանք մեր ուղևորների առաջարկները: Ի վերջո՝ տարիներ ի վեր այս սեկտորի մեջ ենք և ուզեցինք կարիքն ապահովել: Վանի զարգացումն ու աշխարհին ծանոթացնելը մեր` վանեցի գործարարներիս պարտականությունն է»:

Բայրամը հայտնելով, որ փոխադրումն ապահովվում է վարձված 66 հոգանոց անձնակազմ ունեցող մասնավոր օդանավերի միջոցով, նշեց, թե մոտ ապագայում Վանում գտնվող Ֆերիթ Մելեն օդանավակայանին ստիպելու են պատասխանել իրենց պահանջին, ու հավելեց. «Ավելացել է Վանի մշակութային և պատմական արժեքների հանդեպ հետաքրքրությունը. վերջին տարիներին մեծանում է զբոսաշրջիկների թիվը»:

Վանի Աղթամար կղզում գտնվող Սուրբ խաչ հայկական եկեղեցին 2007 թ. տվյալ ժամանակաշրջանի Թուրքիայի Հանրապետության մշակույթի նախարար Աթիլլա Քոչի կողմից վերականգնվելով` բացվեց որպես թանգարան: Զբոսաշրջիկները մեծ ուշադրություն ցուցաբերեցին այս թանգարանի նկատմամբ: Մի քանի ամիս առաջ 95 տարվա ընդմիջումից հետո առաջին անգամ կրոնական արարողություն կատարվեց այս եկեղեցում, որի ժամանակ գրանցվեց տուրիստների մեծ հոսք: Զբոսաշրջության զարգացմանը զարկ տված վերականգնումից անմիջապես հետո Վանի նահանգապետարանը սկսեց նահանգի սահմաններում գտնվող պատմական եկեղեցու և վանքերի վերականգնողական աշխատանքները:

Հատուկ ռեակտիվ թռիչքներ

Բայրամը նշելով, թե Վանում վերջին տարիներին դրական իմաստով փոփոխություններ են կատարվում, հավելեց. «Հյուրանոցներ են բացվում, զբոսաշրջությունն ակտիվացել է: Մենք, որպես գործարարներ, մոտիկից հետևում ենք այս զարգացումներին և ձգտում հոգալ պահանջարկը»: Բայրամը հայտնեց նաև, որ արտասահմանյան չվերթների համար, պահանջարկի վրա հիմնվելով, մոտ ապագայում կարող են հատուկ ռեակտիվներով թռիչքներ սկսել, սակայն առայժմ վաղ է նման նախաձեռնության համար:

Նշում. հրապարակման բնագիրը, որն անգլերենով է, կարող եք գտնել հետևյալ հասցեում` http://www.hurriyetdailynews.com/n.php?n=flights-from-van-to-yerevan-to-ease-transportation-2011-02-25:

http://hyetert.blogspot.com/2011/02/van-way-airlines-turk-ve-ermeni.html