ԽՈՐԽՈՌՈՒՆԻՔ, Խոռխոռունիք. գավառ Մեծ Հայքի Տուրուբերան նահանգում, Բզնունյաց (Վանա) լճի հյուսիսային ափին: Հարավ-արևմուտքից և արևմուտքից սահմանակից էր Տուրուբերանի Բզնունիք, Տարոն, հյուսիս-արևմուտքից` Հարք, հյուսիսից` Կորի, Ապահունիք և Աղահովիտ գավառներին, արևելքից և հարավ-արևելքից եզերվում էր Բզնունյաց լճի ջրերով:
Եղել է Խորխոռունիների նախարարական տոհմի ժառանգական տիրույթը: Խորխոռունիքի տարածքում էին Նազիկ և Առե լճերը, Ապահունքի սահմանագլխին` Սիփան (Նեխ Մասիք) լեռը: Գավառի նշանավոր բնակավայրերից էր Արծկե ավանը:
Հայկական համառոտ հանրագիտարան, Հատոր 2, Երևան, 1995:
Leave a Reply