Գրեթե մեկ դար առաջ օտար զավթիչներից արևելյան սևծովյան քաղաքի ազատագրման ներկայացումը` ամբողջացված հայերին ներկայացնող թուրք զինված երեխաներով ու ծաղրական խաչելություններով, առաջ է բերել հայերի և ընդդիմադիր կուսակցությունների քննադատությունը:
Առաջին համաշխարհային պատերազմի ընթացքում ռուսների կողմից, որոնք իբր թե համագործակցել են հայերի հետ, զավթված Բաբերդ քաղաքը պատմական իրադարձության բեմադրությամբ տոնեց «թշնամու օկուպացիայից Բաբերդ քաղաքի ազատագրման» 93-րդ տարեդարձը:
Հայ գիտնական, Երևանի պետական համալսարանի Հայագիտության կենտրոնի գիտաշխատող Հայկազուն Ալվրցյանը «Hürriyet Daily News & Economic Review»-ի հետ հարցազրույցում ասաց. «Թուրքիան ասում է, թե իր հարևանների հետ ուզում է խաղաղություն հաստատել և երկխոսություն սկսել: Արդյո՞ք երկխոսություն սկսելու ճանապարհը երիտասարդ սերնդին թունավորելն է»:
Հայկական ծագմամբ Թուրքիայի քաղաքացի լրագրող Էթիեն Մահչուփյանը ներկայացման մասին ասաց հետևյալը. «Երբ տեսա, ինքս ինձ միայն մի բան ասացի` «ցավալի է»:
Գլխավոր ընդդիմադիր Ժողովրդահանրապետական կուսակցության պատգամավոր Սեզգին Թանրըքուլուն, ով մարդու իրավունքների հարցերի պատասխանատու է, ևս քննադատել է Բաբերդի իարդարձությունները. «Ամոթալի է Թուրքիայի համար, որ ատելություն պարունակող խոսքերը գործադրվում են երեխաների վրա»:
Բաբերդի ազատագրման 93-րդ տարեդարձի արարողությունը տեղի է ունեցել Բաբերդի Հանրապետության փողոցում, միջոցառմանը մասնակցել են Բաբերդի նահանգապետ Քերեմ Ալը, քաղաքապետ Հաջը Ալի Փոլաթը, Արդարություն և զարգացում կուսակցության պատգամավորները և Բաբերդի զինված ուժերի գնդապետ Ֆարուք Քայադելեն: Արարողության ընթացքում տեղացիները` ներառյալ երեխաները, ցուցադրել են իրենց թշնամիների ներխուժումը քաղաք:
Փոլաթն ասաց, որ ներկայացումը կազմակերպվել է, որպեսզի գրառեն պատմությունն ու չմոռանան այն. «Մեր ազգային հիշողությունը չպետք է մոռացության մատվի, 93 տարի առաջ այս հողերի վրա տեղի ունեցած դժբախտությունը չպետք է մոռանա նոր սերունդը: Մենք պետք է ունենանք մեծ գաղափարախոսություն, որպեսզի դրա շուրջը համախմբենք մեր սերունդներին, այնպես, ինչպես հայերը համախմբվում են ծովից ծով ձգվող Մեծ Հայաստանի գաղափարի շուրջ: Մենք չպետք է մոռանանք, թե մեր պատմության ընթացքում ինչի միջով ենք անցել»:
Անցյալ տարվա «ազատագրման օրը» ներկայացման մեջ տեղացիները, երբ խաղացել են հայերի դերը, իրենց դեմքերին քսել են կենդանու արյուն, որպեսզի ցույց տան հայերի դաժանությունները:
«Ձեր թաղման արարողությունը կատարեք Բաբերդում»
Քաղաքապետ Փոլաթն ասաց. «Մենք պետք է զարգացնենք Բաբերդն ու լավ պայմաններ ապահովենք: Մենք շարունակում ենք ասել ներսում և դրսում, որ ներդրումներ կատարեն այս քաղաքում: Եթե նույնիսկ ոչինչ չլինի, ներդրում կատարեք այստեղ և վերջապես ձեր թաղման արարողություններն այստեղ կատարեք, այսպիսով դուք կարող եք կապ ունենալ այս քաղաքի հետ»:
22.02.2011
Leave a Reply