ԵՄ խորհրդարանականների` Հաթայի այցի ուշագրավ ծրագիրը

Վաղը Հաթայում նախատեսվող Թուրքիա-ԵՄ խորհրդարանային խառը հանձնաժողովի 66-րդ նիստին մասնակցող խորհրդարանականների համար մշակվել է մի ծրագիր, որում ընդգրկված են Հաբիբ-ի Նեջջար մզկիթը, Սուրբ Պողոս եկեղեցին և Անթաքիայի (Անտիոքի) սինագոգը: Ծրագրով նախատեսված են նաև այցեր դեպի հայկական Վաքըֆլը և Հըդըրբեյ գյուղեր:

Թուրքիա-ԵՄ խորհրդարանային խառը հանձնաժողովի 66-րդ նիստը մեկնարկելու է վաղը` Հաթայում: Նիստի օրակարգում, որում ընդգրկվելու են այնպիսի հարցեր, ինչպիսիք են Թուրքիայում բուռն քննարկումների պատճառ դարձած սահմանադրական և դատական բարեփոխումները, խոսքի ազատությունը և «ժողովրդավարական նախաձեռնությունը», կներառվի նաև վիզայի խնդիրը:

Ինչպես հաղորդում է Անկարա լրատվական գործակալությունը, նիստի ընթացքում, որում քննարկվելու է նաև «միջմշակութային երկխոսությունը», «համաձայնություն ձեռք բերելու դեպքում» նախատեսվում է նաև վիզայի հարցով ընդունել հանձնարարական որոշում:

Վաղը կեսօրից հետո նախատեսվող նիստին մասնակցող խորհրդարանականների համար, նիստ, որի բացմանը ելույթ կունենան արդարադատության նախարար Սադուլլահ Էրգինը, պետնախարար և Թուրքիայի ԵՄ անդամակցության հարցով գլխավոր բանակցող Էգեմեն Բաղըշը, ինչպես նաև` պետնախարար Ջևդեթ Յըլմազը, կկազմակերպվի նաև զբոսանքի ծրագիր:

Թուրքիա-ԵՄ խորհրդարանային խառը հանձնաժողովի անդամները վաղը առավոտյան հերթականությամբ կայցելեն Սուրբ Պողոս եկեղեցին, Հաբիբ-ի Նեջջար մզկիթը, Անթաքիայի սինագոգը և մի ուղղափառ եկեղեցի: Այնուհետև այցեր կկազմակերպվեն դեպի Վաքըֆլը գյուղ, որն անվանվում է Թուրքիայում «մնացած վերջին հայկական գյուղը», ինչպես նաև` հին հայկական գյուղ հանդիսացող Հըդըրբեյ:

Անկարա լրատվական գործակալություն-Բրյուսել

http://www.haberdar.com/haber/ap-parlamenterlerinin-ilginc-hatay-programi-2315432