Գերմանիայի հրեաների կենտրոնական խորհրդի գլխավոր քարտուղար Շտեֆան Կրամերը հայ համայնքի ներկայացուցիչների հետ հարցազրույցի ժամանակ Օսմանյան Թուրքիայում 1915 թ. տեղի ունեցած դեպքերը ցեղասպանություն է որակել, գրում է Nouvelles d`Arménie-ն։
«Ինձ հայտնի փաստերի հիման վրա կարող եմ ասել, որ Օսմանյան Թուրքիայում հայերի սպանությունները ցեղասպանություն են եղել։ Այդ իրադարձությունների պատասխանատվությունը թուրքական կառավարության վրա է։ 1998 թվականին Եվրոպայի խորհուրդը հայերի դեմ հանցանքները ցեղասպանություն է անվանել»,- ասել է Կրամերը։ Նա նաեւ նշել է, որ թուրքերը պետք է հանցագործությունների ճանաչման գործընթաց սկսեն եւ ուսումնասիրեն փաստերը։
«Այդ հանցագործությունների համար պատասխանատվություն կրում է մեզնից յուրաքանչյուրը։ Ցավոք, այս թեման լռությամբ շրջանցվում է՝ ելնելով գերտերությունների շահերից»,- ամփոփել է Գերմանիայի հրեաների կենտրոնական խորհրդի գլխավոր քարտուղարը։
Փետրվար 19, 2011
Leave a Reply