Սելամեթ հանը հետ վերադարձնելու որոշում

Վաքըֆերի մասին օրենքում կատարված փոփոխությամբ Յեդիքուլեի Սուրբ Փրկիչ հայկական հիվանդանոցի վաքըֆին է  վերադարձվել Սելամեթ հանը, որը  Մարդու իրավունքների եվրոպական դատարանում դատական գործընթացով չէին կարողացել ետ ստանալ:

Ստամբուլի Էմինյոնույում գտնվող Սելամեթ հանը Յեդիքուլեի Սուրբ Փրկիչ հայկական հիվանդանոցի վաքըֆին է նվիրել հայ գործարար Գալուստ Գյուլբենկյանը, սակայն հարուցված դատական գործի արդյունքում 1994 թ. ունեցվածքն անցել է Վաքըֆերի գլխավոր տնօրինությանը: Վաքըֆը Սելամեթ հանը հետ վերադարձնելու համար դիմել է Մարդու իրավունքների եվրոպական դատարան, սակայն հայցը մերժվել է: Տարիներ ի վեր անխնամ մնացած Սելամեթ հանի ճակատագիրը որոշվեց 2008 թ. փետրվարի 27-ին օրենքի ուժ ստացած վաքըֆերի մասին թիվ 5737 օրենքով:

Հերթը Զեյթինբուրնու մարզահամալիրինն է

Շիրինօղլուն հայտնելով, որ այս օրենքի շրջանակներում 19 անշարժ գույք վերադարձնելու համար դիմում են ներկայացրել, ասաց. «7 անշարժ գույքի վերաբերյալ դրական պատասխան ենք ստացել: Իսկ մնացածների վերաբերյալ դատական գործընթացը շարունակվում է, դրանցից մեկը Զեյթինբուրնու մարզահամալիրն է, որը նախկինում եղել է հիվանդանոցի այգին: Այն 44 դյոնումանոց հողատարածք է, որի վրա կառուցված է փակ մարզասրահ, ավտոկայանատեղի և թեյարան: Շաբաթական 4500 հիվանդ ենք սպասարկում, որպեսզի կարողանանք հիվանդանոցը կահավորել համապատասխան տեխնոլոգիայով, մեր աղքատներին խնամել, մեզ հարկավոր է այս հողակտորի եկամուտը: Հողակտորի վրա ցանկանում ենք հավելյալ շենք կառուցել: Գիտենք, որ վարչապետը արդար մարդ է, վստահ եմ, որ արդարությունը հաղթանակելու է»:

«Արդեն հարազատ քաղաքացի ենք»

Շիրինօղլուն նշելով, որ արտերկրի քաղաքացիներն ուրախությամբ են հետևում կառավարության` փոքրամասնությունների վերաբերյալ ընդունած օրենքներին, ասաց. «Մարդիկ եղան, ովքեր, Ֆրանսիայից ինձ զանգահարելով, հարցրեցին. «Հիվանդանոցի դիմացի այգին ստացա՞ր»: Հազարավոր մարդիկ են զանգահարում: Ես էլ ասում եմ, որ հողակտորը հետ են վերադարձնելու»: Օրենքում կատարված փոփոխությունը որպես բարենորոգում որակող Շրինօղլուն ասաց. «Ոչ թե այսպես կոչված, այլ՝ հարազատ քաղաքացի դարձանք»:

Որբանոցը վերադարձվել է Մարդու իրավունքների եվրոպական դատարանի որոշմամբ

Մարդու իրավունքների եվրոպական դատարանը որոշում է կայացրել, որ Բույուքադայի հունական որբանոցը երեք ամսվա ընթացքում հետ վերադարձվի: Վաքըֆերի գլխավոր տնօրինության խորհուրդն էլ հավաքվել է, երբ հունիսին կայացրած այս որոշումը հասել է Թուրքիա: Տնօրինությունը  հունական որբանոցը հետ վերադարձնելու որոշում կայացրել է քվեարկությամբ: Հունական որբանոցի թափուն գրանցված է հունական պատրիարքարանի անունով: Փաստաբան Ջեմ Սոֆուօղլուն թափուն, որտեղ սեփականատեր բաժնում գրված է հունաց պատրիարքարան, վերցրել և գնացել է պատրիարք Բարդուղիմեոսի մոտ: Գործընթացը մարդու իրավունքների և օրենքի տեսանկյունից հաջողված է գնահատվել: Ջեմ Սոֆուօղլուն ասաց, որ գործընթացը նման վիճակում փոքրամասնությունների վաքըֆների անշարժ գույքի համար նախադեպ է:

Հասան Այ

17.02.2011

http://www.sabah.com.tr/Yasam/2011/02/17/selamet_han_icin_iade_karari