Քանդելու որոշման հետևում կանգանած են Ջանան Արըթմանի դպրոցով անցած անուններ

Ժողովրդահանրապետական կուսակցության հանձնաժողովի անդամների` Շիրինջե գյուղում կառույցները քանդելու որոշումը քննադատող Սևան Նշանյանն ասաց. «Ջանան Արըթմանի դպրոցով անցած անուններ են: Նրանց անհանգստացնում է, որ հայ եմ»:

Սելջուկ գավառի Շիրինջե գյուղում, որն աշխարհում հայտնի է որպես տուրիստական գյուղ, Ժողովրդահանրապետական կուսակցության հանձնաժողովի անդամների կայացրած որոշումը` քանդել խորհրդանշան դարձած Նշանյանի տները, քննարկումների առիթ տվեց: Սևան Նշանյանը նշելով, որ Բարեկարգության նախագծին հակասելու հիմնավորմամբ Շիրինջեի կառույցները, որոնց թվում են Սևան Նիշանյանին պատկանող փոքրիկ հյուրանոցը, լողավազանը, պանսիոնը և աշտարակը, ինչպես նաև Նեսին հիմնադրամին պատկանող Համամլը Էվը (Բաղնիքով տուն), քանդելու որոշման հետևում կանգնած են Ժողովրդահանրապետական կուսակցության հանձնաժողովի անդամները, ասաց. «Ժողովրդահանրապետական կուսակցության անդամ, պատգամավոր Ջանան Արըթմանի դպրոցով անցած անունները մեծ համառությամբ և ցանկությամբ սպասում են քանդելու որոշմանը»:

Նրանք նույն գաղափարախոսությունն ունեն, ինչ որ «բալյոզականները»

Նշանյանի տների սեփականատեր Սևան Նշանյանը հայտնելով, որ Շիրինջեն օրակարգ է բերվել Ժողովրդահանրապետական կուսակցության հանձնաժողովի անդամների պնդմամբ, ասաց. «Ջանան Արըթմանի մարդիկ են: Ինձ թիրախ ընտրած մարդիկ երկու գլխավոր նպատակ ունեն. նախ` մի գաղափարախոսության կրողն եմ, որը չի խոնարհվում պետության գործած մեղքերի դեմ և երկրորդ`նրանց անհանգստացնում է իմ հայկական ծագումը: Սկսել են հետս խաղ խաղալ: «Բալյոզի» շրջանակներում ինձ սպանել ցանկացողներն ու այս քանդելու որոշումը կայացնողներն ունեն նույն գաղափարախոսությունը, նույն կազմակերպությունների անդամներն են: Սրանք՝ առաջին փուլում: Ոչ մեկի իրավունքը չեն ոտնահարում. Այն, ինչ քանդելու են, բազմաբնակարան շենք չէ, այլ՝ հաճելի գյուղական տներ: Չեն կարող ասել, թե փչացրեց արգելավայրը, ըստ էության, «պատմական Շիրինջե» ասելով, գալիս և մեր տներն են լուսանկարում»:

Չենք քանդում`  պատճառաբանելով թե հայ է կամ ազգանունը Նեսին է

Քննարկված քանդելու որոշման տակ ստորագրած Իզմիրի նահանգային խորհրդի հանձնաժողովի անդամ, Ժողովրդահանրապետական կուսակցության անդամ Էմրե Օզերն էլ ասաց հետևյալը. «Սևան Նշանյանին և Ալի Նեսինին պատկանող տները անօրինական են և կառուցված են արգելված գոտում: Որոշվել է քանդել ոչ միայն Սևան Նշանյանին և Նեսինին պատկանող տները, այլև՝ մյուս անօրինական կառույցները: Որևէ առնչություն չունի Նիշանյանի հայ լինելու հանգամանքը կամ էլ Նեսինի ազգանունը»:

Ընդունում ենք որպես թշնամություն

Նեսին հիմնադրամին պատկանող Համամլը էվի սեփականատեր, դոկտոր, պրոֆեսոր Ալի Նեսինը հայտնելով, որ քանդելու որոշումը միայն թշնամությամբ է հնարավոր, ասաց. « Նեսին հիմնադրամին և Սևան Նշանյանին պատկանող մեր վերանորոգած տները հունական տներ են, որոնք դարավոր անցյալ ունեն: Մենք դրանք գնեցինք և վերանորոգեցինք: Մեր այս աշխատանքի շնորհիվ ապահովեցինք դեպի Շիրինջե զբոսաշրջիկների հոսքը: Տեղացի և օտար զբոսաշրջիկները, գալով Շիրինջե, ցանկացան տեսնել այս հին հունական տները, մնացին այս տներում և լուսանկարելով՝ ցույց տվեցին իրենց երկրում գտնվող ընկերներին: Երբ իրավիճակն այսպիսին է, կայմակամությունը որոշում կայացրեց քանդել: Մենք սա ընդունում ենք որպես թշնամություն: Սա ամբողջությամբ նեսինների և նշանյանների դեմ ուղղված թշնամանքի արդյունք է: Մեր տների կողքին ժանդարմերիան էլ շենք ունի, որը նույնպես անօրինական է: Դե թող գան ու այն էլ քանդեն»:

http://www.stargazete.com/politika/yikimin-ardinda-aritman-ekolunden-isimler-var-haber-330750.htm