Շիրինջեի բնակչությունը ոչ ասաց կառույցները քանդելուն

Շիրինջեի բնակչությունը միաձայն ոչ ասաց Շիրինջե գյուղի կառույցները (22 կառույց, այդ թվում նաև Սևան Նիշանյանին պատկանող տները- Խմբ.) քանդելու գործողություններին, որը իրականացնելու է Սելջուկի կայմակամությունը: Հարցի վերաբերյալ իրենց տեսակետը հայտնած շիրինջեցիների 99.7 տոկոսը ոչ  է ասել, միայն մեկ շիրինջեցի ձեռնպահ է մնացել:

Փետրվարի 15–ին շիրինջեցի մի խումբ երիտասարդների կողմից հարցաթերթիկի տեսքով իրականացրած հարցախույզին մասնակցել է Շիրինջեի ընտրողների՝ ցուցակում գրանցված 450 ընտրողներից 316 շիրինջեցի քաղաքացի: Իրենց տեսակետը հայտնած 315 շիրինջեցին դեմ է արտահայտվել քանդելու որոշմանը, իսկ մի հոգին ձեռնպահ է մնացել: Քանդելու որոշմանը ոչ ոք կողմ չի արտահայտվել:

Շիրինջեում առաջիկա օրերին Իզմիրի նահանգի Հատուկ վարչության որոշման համաձայն` Սելջուկի կայմակամությունը «անօրինական լինելու» հիմնավորմամբ քանդելու է 22 կառույց, որոնց թվում է նաև հայտնի Նիշանյանի տներ հյուրանոցը:

Բացի 22 կառույցից, որոնք քանդվելու են, Շիրինջե գյուղում կա մոտ 75 կառույց, որոնք ևս վճռել են քանդել: Բացի դրանից՝ ասում են, որ անօրինական կառուցված կամ էլ փոփոխությունների ենթարկված մոտ 100 կառույց կա:

1983 թ. քաղաքային պաշտոնական պահպանության տակ գտնվող տարածք հռչակված Շիրինջե գյուղում, քանի որ 27 տարի ի վեր չեն կարողացել պաշտպանության նպատակով Բարեկարգության նախագիծ կազմել, չեն կարող թույլատրել վերանորոգում և կառուցում: 27 տարի ուշացումով 2010 թ. գործադրված Բարեկարգության նախագծի կիրառությունը անցյալ ամիս Մշակույթի նախարարության հրամանով նորից կասեցվեց:

15.02.2011

http://www.sirincegazetesi.com/?sirince-haberleri=57&habas=sirince-halki-yikimlara-hayir-dedi