ՉԱՐՇԱՄԲԱ

ՉԱՐՇԱՄԲԱ. քաղաք Տրապիզոնի նահանգի Սամսունի (Ջանիկ) գավառում՝ համանուն գավառակի կենտրոնը: Գտնվում է Սամսունից 40 կմ արևելք՝ Իրիս (այժմ Եշիլ Իրմակ) գետի ափերին` բաժանվելով արևմտյան (հայկական և հունական) և արևելյան (թուրքական) մասերի:

1878թ. ուներ 2600, 1914թ.` շուրջ 5 հազար, 1950թթ.` 560 հայ բնակչություն:

Քաղաքում կային եկեղեցի` Ս.Աստվածածին (Մայր Աստվածածին, 1790, նորոգված` 1855-ին), 2 հայկական դպրոց (Հայկազյան և երկսեռ Մամիկոնյան-Շուշանյան, 1871-ից):

Գավառակի հայ բնակչության թիվը 1914թ. անցնում էր 18 հազարից:

Չարշաբայի և մերձակա գյուղերի հայերը բնաջնջվել են 1915թ.: Լեռներում ապաստանած և զինված պայաքարով փրկված մի քանի հարյուր հայեր հետագայում տեղափոխվել են Սուխում և Սոչի:

Հայկական համառոտ հանրագիտարան, Հատոր 4, Երևան, 2003: