ՊԱՐՏԵԶ

ՊԱՐՏԵԶ, Պարտեզք, Բարդիզ, Բարդուս. ավան Տայք նահանգի Պարտիզաց փոր գավառում, վերջինիս անվանադիր կենտրոնը:

Միջնադարում եղել է բազմամարդ և զուտ հայաբնակ բնակավայր: Թուրքերի նվաճմամբ (XVIդ.) Պարտեզն անշքացել է, վերածվել սովորական գյուղի:

XVII-XVIIIդդ. տեղի հայերը հարևան գավառների իրենց հազարավոր հայրենակիցների նման բռնի մահմեդականացվել և «թուրքացվել են»:

1878թ. Պարտեզն անցել է Ռուսական կայսրությանը, մտել նորաստեղծ Կարսի մարզի Օլթիի օկրուգի մեջ: Ռուսական տիրապետության առաջին տարիներին Պարտեզում վերահաստատվել են զգալի թվով հայեր, ինչպես նաև` փոքրասիացի հույներ (1913թ.` միասին ավելի քան 100 տուն):

1914 և 1918թթ. Պարտեզի բնակչությունը հարկադրված գաղթել է այլ վայրեր: Մոսկվայի պայմանագրով (1921թ.) Պարտեզը տրվել է Թուրքիային:

Հայկական համառոտ հանրագիտարան, Հատոր 4, Երևան, 2003: