2011 թ. մայիս- հունիսին կսկսվի Թուրքիայի Իզմիր նահանգի Բայընդըր քաղաքի հայկական եկեղեցու վերանորոգումը:
Թուրքական Haberoku-ի փոխանցմամբ՝ Բայընդըրի քաղաքապետարանը 2009 թ. ընթացքում Իզմիրի նահանգային հատուկ վարչության հետ մեկտեղ ներկայացրել է հայկական եկեղեցու վերանորոգման նախագիծը, որն արդեն ներկայացվել է Իզմիրի նահանգապետին, ում հաստատումից հետո արդեն 2011 թ. մայիս-հունիս ամիսներին կսկսվի վերանորոգման գործընթացը։ Նախատեսվում է, որ եկեղեցու վերանորոգումը կավարտվի 2012 թ. կեսերին:
Բայընդըրի քաղաքապետ Մեհմեդ Քերթիսը նշել է, թե հիշյալ եկեղեցին 19-րդ դարի կեսերին ծառայություն է մատուցել տեղի հայ բնակչությանը։
«Մտածել ենք հայկական եկեղեցին պահպանելու եւ եկող սերունդներին փոխանցելու համար այն վերանորոգել եւ օգտագործել որպես տարբեր միջոցառումների համար նախատեսված սրահ եւ գրադարան»,-ասել է թուրք քաղաքապետը։
Փետրվար 09, 2011
Leave a Reply