ՍԱՄՍՈՒՆ

ՍԱՄՍՈՒՆ, Սամսոն, (հնում՝ Ամիսոս). քաղաք և նավահանգիստ Սև ծովի Սամսուն խորշի ափին, Սամսուն նահանգի վարչական կենտրոնը:

1914թ. Սամսունում բնակվել է ավելի քան 10 հազար հայ: Ունեցել է 2 եկեղեցի և 2 վարժարան:

Սամսունը եղել է Կ.Պոլսի հայոց պատիրարքության Սամսունի վիճակի կենտրոնը: Հրատարակվել է «Դպրոց» պատմագիտական ամսագիրը (1914թ.):

Հնագույն ժամանակներից Սամսունում բնակված հայերը զգալի դեր են խաղացել քաղաքի արհեստագործական և առևտրային կյանքում: Սամսունի ծխախոտի և ալյուրի արդյունաբերությունն ու արտահանությունը գրեթե ամբողջովին կենտրոնացած են եղել Իփեկյան, Խերյան, Իպրանոսյան, Մսրյան, Աբրահամյան, Պահճեգուլյան, Չեքեմյան և այլ գերդաստանների ձեռքին:

Մեծ եղեռնից սակավաթիվ փրկվածներն ապաստան են գտել տարբեր երկրներում:

Հայկական համառոտ հանրագիտարան, Հատոր 4, Երևան, 2003: