Հրեական նախաձեռնությունից հետո հայկական նախաձեռնություն

Անկարան, հաստատելով, որ պատմական դեպքերի հոգեխեղումները հեշտ չեն հաղթահարվում, հերական նախաձեռնությունից հետո անցնելու է հայկական նախաձեռնությանը: Ապրիլի 24-ին ակտիվ մասնակցություն է ցուցաբերելու հայկական գործունեությանը:

Թուրքիայի և Հայաստանի հարաբերությունները կարգավորելու համար ստորագրված արձանագրությունները առկախելուց հետո Անկարան գիտակցում է, որ գործընթացը հոգեբանական արգելքի է հանգել, սակայն ի վերջո կյանքի է կոչելու:  

Անկարան հաստատել է, որ պատմական անցյալում ստացած հոգեխեղումները հաղթահարելու համար որոշակի քայլեր է կատարել: Թուրքիան, ինչպես հրեաների դեմ, այնպես էլ հայերի դեմ շարունակելու է նախաձեռնությունները: Թուրքիան տարիներ հետո «հունվարի 27-ին հրեական ցեղասպանության զոհերի ոգեկոչման միջազգային օրը» միջոցառմանը ներկայացուցիչ է ուղարկել: Իսկ պետնախարար Էգեմեն Բաղըշը առաջին թուրք պաշտոնյան է, ով այցելել է Օսվենցիմի համակենտրոնացման ճամբար: Եվ ճիշտ հենց այդպես Անկարան հրահանգել է ակտիվ մասնակցություն ունենալ ապրիլի 24-ին հայերի կողմից կազմակերպվելիք միջոցառումներին: Այս նպատակով դեկտեմբերին կայացած Ազգային անվտանգության նիստի ժամանակ որոշում է կայացվել սփյուռքի հետ հարաբերությունները խորացնել, հատկապես Ամերիկայի հայկական լոբբիի հետ հարաբերություններ հաստատել, մասնակցել հայկական սփյուռքի հրավերներին:

Ցեղասպանության խռովություն

Հայ ժողովրդի հետ հարաբերություններ հաստատելու համար նախ և առաջ երկխոսություն է սկսվելու սփյուռքի հետ, իսկ կարգավորման գործընթացում ներառվելու է նաև սփյուռքը: Անկարան հայտնելով, որ պատմության բեռից ազատվելը ժամանակ է խլելու, վճռական է «հաստատակամություն» ցուցաբերել մեջ: Այդ իսկ նպատակով հետամուտ են լինելու ձեռնարկված քայլերին և պաշտպանելու են Հայաստանի հետ ստորագրված երկու արձանագրությունը, սակայն Կովկասում առաջընթաց չարձանագրվելու դեպքում չի սպասվում, որ այս այս խցանումը կհաղթահարվի: Թուրքիան առկախել է նաև անցյալ տարիներին այսպես կոչված ցեղասպանության նախագծեր ընդունած երկրների հանդեպ կիրառած քաղաքական բոյկոտի որոշումը: Այս շրջանակներում նախագահ Աբդուլլահ Գյուլն անցյալ օրը հյուրընկալեց Արգենտինայի նախագահ Քրիստինա Ֆերնանդեսին: Առաջիկա օրերին սպասվում է Կանադայի Միջազգային առևտրի նախարարի այցը Անկարա, առաջիկայում սպասվում են նաև այսպես կոչված ցեղասանությունն ընդունած երկրներից այցելություններ: Ապրիլ ամսվա մոտենալու հետ մեկտեղ սպասվում է նաև, որ կրկին ԱՄՆ-ի Կոնգրեսի օրակարգ է բերվելու ցեղասպանության նախագիծը:  Ակնհայտ է, որ հայկական լոբբին  Կոնգրեսում գործի է անցնելու: Պարզ է նաև, որ ԱՄՆ-ի Նախագահ Բարաք Օբաման թույլ չի տալու, որ ցեղասպանության նախագիծը օրենքի ուժ ստանա: Անկարան թույլ չի տա այնպիսի մի քայլ, որը հիմքից կցնցի Օբամայի վարչակարգի հարաբերությունները, այսպիսով պարզ է, որ նախագիծը օրենքի ուժ չի ստանա:

Դույգու Գուվենչ

07.02.2011

http://sabah.com.tr/Gundem/2011/02/07/yahudi_acilimindan_sonra_ermeni_acilimi