Աղթամար կղզին ձմռանը լրիվ այլ գեղեցկություն ունի

Առասպելի համաձայն` քահանայի գեղեցկուհի դուստր Թամարի և գևաշցի հովվի սիրո վկան եղած Աղթամար կղզին ձմռանն էլ է աչք շոյում:

Թուրքիայի ամենամեծ` Վանա լճի վրա գտնվող Աղթամար կղզին իր եկեղեցու և բնության շնորհիվ տեղ է գտել շրջանի ամենատեսարժան վայրերի շարքում: Գևաշ կղզու սահմաններում և Վանից 45 կմ հեռավորության վրա գտնվող կղզին ամեն եղանակի առանձնահատուկ գեղեցկություն է ստանում: Գևաշի ափից մակույկով մոտ 20 րոպե տևող ուղևորությունից հետո կարելի է հասնել Աղթամար կղզի, որում հայոց թագավոր Գագիկ Առաջինի կողմից 915-921 թթ. քառանիստ կերպով կառուցված եկեղեցին նույնպես կարևորվում է` հավատացյալների շրջանում զբոսաշրջությունը զարգացնելու առումով: Տարվա յուրաքանչյուր եղանակի իր գրավչությամբ ձգող Աղթամար կղզին դարձյալ աննման գեղեցկություն է ստացել Վանում ու շրջակա գավառներում երկու օր շարունակ տեղացած ձյան շնորհիվ: Բանաստեղծների ներշնչանքի աղբյուրը եղած Վանա լճի կապույտի ֆոնի վրա կղզու ճերմակ ծածկույթը շատ գեղեցիկ տեսարան է ստեղծել: Ձմռան եղանակին ևս չի դադարում տեղացի և արտասահմանցի այցելուների հոսքը` դեպի կղզի: Ֆրանսիացի զբոսաշրջիկների խումբն էլ ձնագնդի խաղաց և լուսանկարվեց կղզու ֆոնին:

Առասպելի համաձայն…

Առասպելի համաձայն` եկեղեցում ապրող քահանայի գեղեցկուհի դստերը` Թամարին, տեսած գևաշցի հովիվը սիրահարվում է նրան, իսկ այդ սիրո մասին տեղեկացած և դեմ դուրս եկած քահանան երիտասարդին նախազգուշացնում է, որ չգա կղզի: Սակայն սերը շարունակվում է գիշերը երկու ափերի միջև` լապտերի միջոցով: Թամարը ամեն գիշեր իր լապտերի լույսով ցույց է տալիս երիտասարդին իր գտնված վայրը: Լապտերը տեսնող հովիվը ամեն օր լողում է դեպի կղզին, որին մակույկով կարելի էր հասնել 20 րոպեում, և գաղտնի հանդիպում Թամարի հետ: Որոշ ժամանակ անց դա նկատած քահանան մի փոթորկոտ գիշեր աղջկան փակի տակ է առնում, իսկ ինքը լապտերով սպասում ափին:

Լապտերի լույսը նշմարած երիտասարդը, անմիջապես ջուրը նետվելով, սկսում է լողալ` հակառակ ափը հասնելու համար: Քահանան տեսնելով, որ երիտասարդը սկսել է լողալ, իր լապտերով անընդհատ փոխում է լույսի ուղղությունը: Լապտերի ուղղությամբ լողալով որոշ ժամանակ անց ուժասպառ եղած երիտասարդը չի կարողանում այլևս ոչ առաջ գնալ, ոչ էլ` հետ: Այդ պահին «Ա~խ, Թամա~ր» կանչելով` խեղդվում է ծովում: Այդ ժամանակվանից սկսած կղզուն տալիս են «Աղթամար» անունը: Կղզու անունը որոշ ժամանակ անց փոփոխության ենթարկվելով` վերածվում է «Աքդամարի»:

Բերին Ալփասլան

Ալի Իհսան Օզթյուրք

Անադոլու գործակալություն

04.02.2011