Սթիվի Վոնդերն ու միջազգային այլ հայտնի կատարողներ` հանուն Հայոց ցեղասպանության ճանաչման

Աշխարհահռչակ երգիչ Սթիվի Վոնդերն ու միջազգային այլ կատարողներ պատրաստվում են մինչև 2015 թ. հանդես գալ մի քանի համերգային ծրագրերով` կոչ անելով Միացյալ Նահանգներին ճանաչել Հայոց ցեղասպանությունը: «Never Again» խորագիրը կրող համերգաշարը նվիրված կլինի ոչ միայն Հայոց, այլ նաև Դարֆուրի, Կամբոջայի և Ռուանդայի ցեղասպանություններին:

Համերգները կկազմակերպվեն ԱՄՆ-ում բնակվող հայազգի երաժիշտների, ինչպես նաև՝ Հայաստանի կառավարության աջակցությամբ:

«Մի բան, որ հնարավոր չէ անել քաղաքականության ուժի միջոցով, կարվի երաժշտությամբ»,-ասել է Գլենդելում հիմնված «Արվեստագետները` հանուն խաղաղության» կազմակերպության ղեկավար Անուշ Հովսեփյանը: Լոս Անջելեսում Հայաստանի հյուպատոս Գրիգոր Հովհաննիսյանն էլ նշել է, որ այս ծրագիրն աջակցություն կստանա Հայաստանի կառավարության կողմից:

HayNews.am

 03.02.2011