Ինոնյու համալսարանի Աստվածաբանության ֆակուլտետի ասպիրանտուրայի գծով պաշտոնյա Ռուհի Աբաթը, «Մի հայ կա…» վերնագրով գրքում իրեն ուղղված մեղադրանքներով հանդես եկած Ադեմ Յավուզ Արսլանի դեմ մեղադրանք հարուցելով, պահանջեց, որ վերոհիշյալ գիրքը հանվի վաճառքից:
«Անադոլու» գործակալության թղթակցի ստացած տեղեկության համաձայն` Մալաթիայի հանրապետական գլխավոր դատախազությանը դիմած Աբաթը, հատվածներ մեջբերելով Ադեմ Յավուզ Արսլանի գրքում իր վերաբերյալ մեղադրանքներից, բողոքել է դատարանին:
Աբաթը հայտնելով, որ «Մի հայ կա…» վերնագրով գիրքը հունվարի 18-ին վաճառքի հանած Ադեն Յավուզ Արսլանը գրքի մի հատվածում անդրադարձել է Մալաթիայի Զիրվե հրատարակչության դեպքին, նշեց, թե հիշյալ գրքում իրեն ուղղված մեղադրանքներ են հնչեցվել, ու պահանջեց, որ գիրքը հանվի վաճառքից:
Ռուհի Աբաթը Զիրվե հրատարակչատանը կատարված սպանությունների կապակցությամբ տարվող դատավարության ընթացքում լսվել է որպես վկա, և դատարանում ասվել է, որ Աբաթը վերոնշյալ սպանություններից առաջ բազմաթիվ հեռախոսազրույցներ է ունեցել զինվորական անձնակազմերի հետ:
«Անադոլու» գործակալություն
02.02.2011
Leave a Reply