ՇԱԿԱՇԵՆ, Շիկաշեն, Արշակաշեն. գավառ Ուտիք նահանգում` Ուտի-Առանձնակ գավառի արևմտյան կողմում: Ղ. Ալիշանը նույնացնում է հետագայի Գանձակի գավառին: Ս. Տ. Երեմյանը տեղադրում է Զակամի և Կուրակի Միջագետքում` Կուրի աջափնյա հովտում: Անտիկ հեղինակների երկերում հիշատակվում է Սակասենե անունով: Ըստ Ստրաբոնի` գավառանունն առաջացել է մ.թ.ա. VIIդ. այնտեղ հաստատված սակերի (շակք) ցեղանունից: Արշակաշեն անվանաձևը (պահպանվել է Մովսես Կաղանկատվացու երկում), ինչպես նշել է Հ. Հյուբշմանը, առաջացել է հետագայում` ժողովրդական ստուգաբանությունից:
Աղբյուրներում Շակաշենի բնակավայրերից հիշատակվում է Վարտա ավանը:
V դ. 1-ին կեսին Սասանյան Իրանը Շակաշենը ևս անջատեց Մեծ Հայքից և կցեց Աղվանից մարզպանությանը:
Հայկական համառոտ հանրագիտարան, Հատոր 4, Երևան, 2003:
Leave a Reply