Ինչպես հայտնի է, «Ակօս» թերթի գլխավոր խմբագիր հարգարժան պարոն Հրանտ Դինքը 2007 թ. հունվարի 19-ին սպանվել է «Ակօսի» խմբագրատան առջև: Վերոհիշյալ զազրելի դեպքի հանցագործները կարճ ժամանակահատվածում ձերբակալվել են, և սկսվել է դատական գործընթացը:
Այս շրջանակում հասարակության մեջ և մամուլում պարբերաբար տեղ են գտնում վերոհիշյալ սպանությունից առաջ և հետո ոստիկանության պարտականությունների կատարման վերաբերյալ որոշ պնդումներ: Բացի այդ, նույն պնդումները հնչեցվել են թե’ հանգուցյալի ընտանիքի, և’ թե փաստաբանների կողմից: Համառոտ ասվում է, որ թեև անցել է չորս տարի, սակայն վերոհիշյալ հանգամանքների պատճառով հնարավոր չի եղել բացահայտել, թե ձերբակալված հանցագործներն այլ կապեր ունեցել են, թե ոչ, բացի այդ` դատաքննությունը, ինչպես որ հարկն է, չի տարվել:
Մյուս կողմից Եվրոպայի մարդու իրավունքների դատարանի 2010 թ. դեկտեմբերի 14-ին կայացրած թիվ vd (2668/07) որոշման մեջ պահանջվել է «Հրանտ Դինքի ապրելու իրավունքը պաշտպանելու և սպանությունը կանխելու մեջ թերացած իրավասուների նկատմամբ հետևողական հետաքննություն սկսել»: Այս շրջանակներում «հետաքննությունը վարող անձանց անկախ չլինելու և տարված հետաքննության մեթոդների իրավական բնույթ չկրելու» հիմնավորմամբ պահանջվել է վերսկսել գործը:
Այս կապակցությամբ Թուրքիայի նախագահ Աբդուլլահ Գյուլը պետական վերահսկիչ պալատին հրահանգել է հարցը մանրամասն ուսումնասիրել: Վերոհիշյալ աշխատանքը կատարվելու է երկու ձևաչափով`
- Հաշվի առնելով հանգուցյալ Հրանտ Դինքի ընտանիքի և մյուս շահագրգիռ կողմերի ջանքերը` որպեսզի կարողանան ձեռք բերել նոր տեղեկություն կամ փաստաթղութ, ուսումնասիրել և հետաքննել, թե դեպքի սկզբում և վերջում իրականացրած վարչական կիրառումներն ու գործողությունները արդյո՞ք օրենքին համապատասպան և բավարար են, թե՞ ոչ:
- Եվրոպայի մարդու իրավունքների դատարանի որոշումներում քննադատվող, ոստիկանների դատավարության վերաբերյալ ներքին իրավական կարգավորումները զարգացնելու նպատակով հարցի վերաբերյալ գործող օրենքների ընդհանուր գնահատում կատարել:
Հարգանքներով տեղեկացնում ենք հասարակությանը
28.01.2011
http://www.tccb.gov.tr/aciklamalar/252/78794/basin-aciklamasi.html
Leave a Reply