ՊԱՂՆԱՏՈՒՆ

ՊԱՂՆԱՏՈՒՆ, Պաղնայտուն, Պաղնա գավառ, Խոզան. գավառ Ծոփաց նահանգում` Արածանիի Պաղին վտակի ավազանում: Կոչվել է իր գլխավոր բերդերի՝ Պաղինի և Խոզանի անուններով: Ուներ բարերբեր հողերր, ոսկու հանքի պաշարներ: Պաղինում եղել է եպիսկոպոսական թեմ:

Մեծ Հայքի բաժանումից (387թ.) հետո Պաղինը անցել է Բյուզանդական կայսրությանը: VII-IX դդ. անցել է մե’րթ բյուզանդական, մե’րթ արաբական նվաճողների ձեռքը:

Տուժել է 995թ. աղետալի երկրաշարժից: IX-XIդդ. մնացել է Բյուզանդիային, 1071թ. տիրել են սելջուկյան թուրքերը:

XIXդ. վերջից մտել է Դիարբեքիրի նահանգի Բալու գավառակի մեջ: Պաղնատունի հայ բնակիչները տեղահանվել և զոհվել են 1915թ.:

Հայկական համառոտ հանրագիտարան, Հատոր 4, Երևան, 2003: