Հայ մշակույթի պատմության մեջ «զարթոնքի ժամանակաշրջան» կոչված հոսանքի հիմնադիրներից Մկրտիչ Խրիմյանը, այլ անվամբ` Խրիմյան Հայրիկը դեկտեմբերի 4-ին` շաբաթ օրը, հիշատակվեց Ֆերիքյոյի եկեղեցու Նազար Ֆիրինօղլու սրահում` ծննդյան 190-րդ ամյակի կապակցությամբ:
Կենտրոնական վարժարանի ուսուցիչների և սաների կազմակերպած հիշատակի արարողությունը կրկնվեց հունվարի 14-ին` ուրբաթ օրը, Արամյան դպրոցի շրջանավարտների միության կողմից: Կենտրոնական վարժարանի տնօրեն Սիլվա Քույումջույանի բացման ելույթով սկսված ոգեկոչման արարողության ժամանակ սաները և ուսուցիչները, Խրիմյան Հայրիկի կյանքին նվիրված հոդվածներ ընթերցելով, բեմականացրեցին նաև նրա հետ պատահած դեպքերն արտացոլող կարճ ներկայացումներ: Խրիմյան Հայրիկի և Կոմիտասի միջև կայացած դիպվածի բեմականացմանը մասնակցեց նաև դպրոցի երաժշտության ուսուցիչ և «Լուսավորիչ» երգչախմբի ղեկավար Հակոբ Մամիկոնյանը: Նույն միջոցառումը Ստամբուլի Բաքըրքյոյ ու Յեշիլքյոյ թաղամասերում բնակվող հայերի համար կրկնվեց նաև հունվարի 15-ին` շաբաթ օրը, Տատյան հայկական դպրոցում: Միջոցառումների վերջում հրավիրյալներին մատուցվեց Խրիմյան Հայրիկի ամենասիրած ճաշատեսակը` հարիսան:
«Ակօս» թիվ 772
21.01.2011
Leave a Reply