ՊԱՐՍՊԱՏՈՒՆԻՔ, Պասպատունիք. գավառ Վասպուրականի նահանգում: Ենթադրաբար տեղադրվում է Երասխի (Արաքսի) վտակ Կոտորց գետի (այժմ` Ղոթուրչայ) վերին ավազանում` ընդգրկելով Վասպուրականի լեռնաշթայից արևելք գտնվոց Խաչ (Խաչգյադուկ) և Ձոր (Սուր) լեռնանցքների միջև ընկած հատվածը: Սմենայն հավանականությամբ նախապես կազմել է Անձախիձոր (Անձահիձոր) գավառի արևելյան մասը, որը կարևոր ռազմավարական նշանակություն ուներ Ատրպատականից Մեծ Հայք տանող ճանապարհին գտնվող լեռնանցքների պաշտպանության գործում: Հետագայում ավատատիրական հարաբերությունների խորացման հետևանքով առանձնացվել է որպես ինքնուրույն վարչամիավոր և տեղի նախարարների` «պասպատների» (լեռնանցքը պահող) անունուվ կոչվել Պարսպատունիք:
Ըստ Զորանամակի` Պասպատունի (Պատսպարունի) նախարարական տոհմը հայոց այրուձիին տրամադրել 50 հեծյալ: Ներկայում Իրանի կազմում է:
Հայկական համառոտ հանրագիտարան, Հատոր 4, Երևան, 2003:
Leave a Reply