ՓՍԱՆՔ, Բսանք, Փսանաց գավառ. գավառակ Բիթլիսի նահանգի Սասուն գավառում: Ըստ ժողովրդական ստուգաբանության` գավառակը Փսանք (Բսանք) է կոչվել հարուստ բուսականություն ունենալու շնորհիվ:
Երկար ժամանակ Փսանը եղել է կիսանկախ լեռնային համայնք, որը կառավարել են հայ իշխանները: Կենտրոնն էր Գոմք գյուղին մերձակա Գոմոց կամ Մատին Առաքելո Ս.Պետրոսի վանքը (Ճկույթավանք):
1890-ական թթ. Փսանքի հայերը մասնակցել են Սասունում ծավալված ազգային-ազատագրական շարժմանը (աչքի են ընկել հատկապես Խնձորիկ, Միջգյուղ և Փսանք գյուղերի բնակիչները):
Առաջին համաշխարհային պատերազմի նախօրեին Փսանքը ուներ մոտ 3,5 հազար հայ բնակչություն: 1915թ. Փսանքի հայերը մասնակցել են Սասունի ինքնապաշտպանությանը: Շատերը փրկվել են և ապաստանել Արևելյան Հայաստանում:
Հայկական համառոտ հանրագիտարան, Հատոր 4, Երևան, 2003:
Leave a Reply