Ռիզեի ծանր հանցագործությունների գծով դատարանը Հրանտ Դինքի սպանության գործով Տրապիզոնի ոստիկանության եւ ժանդարմերիայի ծառայողների դեմ հետաքննություն անցկացնելու պահանջ է ներկայացրել, սակայն Տրապիզոնի գլխավոր դատախազությունը մերժել է այն։
Հրանտ Դինքի փաստաբանները մեկ տարի առաջ Հրանտ Դինքի սպանության մեջ պատասխանատու բոլոր անվտանգության աշխատակիցների եւ ծառայողների նկատմամբ հետաքննություն սկսելու պահանջ ներկայացրեցին, որը մերժվեց Տրապիզոնի գլխավոր դատախազության կողմից՝ այն պատճառաբանությամբ, թե ժանդարմերիայի ծառայողների նկատմամբ հետաքննություն ընթանում է, եւ ոստիկանությանը եւս հետաքննելու կարիք չկա։ Որից հետո Դինքի փաստաբանները դիմեցին ամենամոտ՝ Ռիզեի ծանր հանցագործությունների գծով դատարան։ Ռիզեի դատարանը ընդունել է փաստաբանների պահանջը եւ Լեւենթ Յարըմելից եւ Տրապիզոնի նահանգային ժանդարմերիայի տնօրեն Ռեշաթ Ալթայից մանրամասն հարցաքննության պահանջով դոսյեն ուղարկել Տրապիզոն։
Սակայն Տրապիզոնի դատախազությունը փաստերի պակասի պատճառաբանությամբ հետ է վերադարձրել դոսյեն Ռիզեի դատարան` թույլտվություն չտալով հետաքննություն սկսել հիշյալ անձանց նկատմամբ։
Հունվար 25, 2011
Leave a Reply