Ըստ Սևան Նշանյանի` «Մուրճ» կոչեցյալ հեղաշրջման ծրագրի հեղինակները տարիներ շարունակ ղեկավարում են երկիրը

Հայկական ծագում ունեցող Սևան Նշանյանը, որի անունը ևս հիշատակվում է «Մուրճ» անվամբ հեղաշրջման ծրագրի հեղինակների կազմած սպանության ենթակա մարդկանց ցանկում, հայտնեց, որ «Թարաֆ» օրաթերթում հոդվածներ տպագրելիս հարյուրավոր մահվան սպառնալիքներ է ստացել մեկ օրվա մեջ:

Հայկական ծագում ունեցող Սևան Նշանյանը, որի անունը ևս հիշատակվում է «Մուրճ» հեղաշրջման ծրագրի հեղինակների կազմած սպանության ենթակա մարդկանց ցանկում, հայտնեց, որ «Թարաֆ» օրաթերթում հոդվածներ տպագրելիս օրվա մեջ հարյուրավոր մահվան սպառնալիքներ է ստացել: Նշանյանը նշելով, թե իրեն թիկնապահ տրամադրել առաջարկած ժանդարմերիային ինքը հակազդեցություն է ցուցաբերել ասելով, թե «ու՞մ եք ումից պաշտպանում», նաև հետևյալ մեկնաբանությունը տվեց` սպանության ենթակա մարդկանց ցուցակում իր անվան հայտնվելու կապակցությամբ. «Նրանք ոճրագործ և մարդասպան ընկալմամբ կարծում են, թե ես իրենց նպատակներին, մտադրություններին լիովին համապատասխանող մի անձ եմ»:

Նշանյանը շեշտելով, թե ազգի դեմ ուղղված այդ դավադրության հեղինակները տարիներ շարունակ ղեկավարել են երկիրը, ասաց. «Այդ սրիկաները տարիներ ի վեր իշխանության ղեկին են: Մինչև 2002 թ. միայնակ կառավարել են երկիրը: Այդ տարվանից մինչ օրս նրանք դեռ գտնվում են իշխանական մարմիններում: Այսինքն` ես չեմ հավատում, թե խոսքը գնում է հեղաշրջման փորձի մասին: Այս դեպքը վերաբերում է արդեն իսկ իրենց ձեռքում գտնվող իշխանության պահպանման ձգտմանը: Խոսք անգամ գնալ չի կարող այն մասին, թե իբր այդ մարդիկ իշխանական ղեկին չէին գտնվում և հեղաշրջմամբ պիտի խլեին իշխանությունը: Նրանք արդեն իսկ կառավարում էին երկիրը»:

Նշանյանն ընդգծելով, որ վատ մտադրություն ունեցող այդ մարդիկ կարող են ցանկացած ձևով վերացնել իրենց ցանկացած անձին, նաև հետևյալը նշեց այդ կապակցությամբ. «Արդեն իսկ իրենց ձեռքին էր ցանկացած մարդու վերացնելը, իրենց ուզած շինությունը քանդելը: Առանց այդ էլ իրենք ունեն այդ հնարավորությունը: Մեր պայքարն էլ հենց ուղղված է նման մարդկանց իշխանությունից հեռացնելուն, և ոչ թե` հեղաշրջումը կանխելուն: Հուսով ենք, որ այս գործին վերջ կտրվի: Եթե կառավարությունը մի քիչ ավելի վճռական լինի, եթե մի փոքր ավելի որոշակի ուղղությամբ քայլեր ձեռնարկի, հուսով եմ, որ Թուրքիան, ի վերջո, գեցեղիկ կերպով իր տեղը կգտնի այսօրվա աշխարհում»:

Սևան Նշանյանը, նաև պարզաբանումներ տալով իր` սպանության ենթակա մարդկանց ցուցակում հայտնվելու և թիկնապահ չպահանջելու մասին, ասաց. «Երբ հոդվածներ էի գրում «Թարաֆ» թերթում, 100-ից ավել մահվան սպառնալիքներ էի ստանում մեկ օրվա մեջ: Դրանց բոլորի մասին հաղորդել եմ դատախազությանը, բայց` ապարդյուն: Ի՞նչ է փոխվում, որ դրանց մասին տեղեկացնում են դատախազությանը: Ու՞մից ես ում մոտ բողոքում: Մարդիկ թե’ քադի են, թե’ հանցագործ: Նրանք ինձ թիկնապահ առաջարկեցին, բայց ես կտրականապես մերժեցի: Ժանդարմերիային ասացի` ումից եք ում պաշտպանում»:

Սևան Նշանյանը, ով Սելջուկ գավառի Շիրինջե գյուղում գտնվող իր պանսիոնը և Հոդրի Մեյդան աշտարակը քանդելու մտադրությունը ևս համարում է միևնույն մտայնության արտահայտությունը, հավելեց. «Ես տեղյակ եմ այդ դեպքի մասին: Որքանով որ հասկանում եմ` խորքային պետության մեջ գոյություն ունի մի խումբ: Նրանք ոճրագործ և մարդասպան ընկալմամբ կարծում են, թե ես իրենց նպատակներին, մտադրություններին լիովին համապատասխանող մի անձ եմ: Ինձ պատկանող շինությունների քանդման հարցը ևս նույն մտայնության արդյունք է: Իմ կառույցները քանդել ուզողները և ինձ սպանել երազողները միևնույն անձինք են: Ատրճանակով սպանելն այլևս հիմարություն կլինի: Հրանտ Դինքի դեպքից հետո դա այլևս տխմար գործողություն կլինի: Դրա փոխարեն ավելի խելացի և կործանիչ մեթոդով են ջանում ինձ ոչնչացնել, այն է` քանդել իմ շինությունները: Այս հարցում ևս հաջողություն չեն կարողանալու ունենալ, որովհետև նրանք դարն ապրած և վերականգնված ընկալման ներկայացուցիչներն են: Հուսով եմ, որ այս փոխվող և քաղաքակրթվող Թուրքիայում նմանատիպ մարդիկ և մտայնություններն այլևս տեղ չունեն»:

«Ջիհան» լրատվական գործակալություն

20.01.2011