ՍԵՐԵԽՔ, Երխեթք, Խերխեթք. գավառ Մեծ Հայքի Աղձնիք նահանգում: Հիշվում է միայն «Աշխարհացոյց»-ում` Աղձնքի լեռնային գավառների շարքում: Հայկական միջնադարյան ձեռագրերից մեկի տվյալների համաձայն` գտնվել է Սասնո լեռներից հարավ, Արզանի և Բաղիշո-ջրի միջագետքում` համապատասխանելով ուշ միջնադարյան Կալհոկի (Բայկանի) գավառակին: Տարածքը հարուստ է աղահանքերով (Մալաֆան, Մամլահա, Նորշեն և այլն): Սերեխքում հայտնի էր Ս.Կոնոնոսի վանքը:
XXդ. սկզբին կազմում էր Բիթլիսի նահանգի Խարզան գավառակի հյուսիսային մասը:
Հայկական համառոտ հանրագիտարան, Հատոր 4, Երևան, 2003:
Leave a Reply