Նեդիմ Շեների գրքում տեղ գտած փաստաթղթի համաձայն` ճշմարտությանը չի համապատասխանում Անվտանգության` ի պաշտպանություն իրեն բերած այն փաստարկը, թե «ինքը տեղյակ չէր եղել, որ Դինքը սպառնալիքների էր ենթարկվել»:
Բացահայտվեց մի փաստաթուղթ, որը հերքում է Ստամբուլի ոստիկանության` Դինքի սպանության գործը քննող դատարանին ներկայացված այն ինքնապաշտպանական փաստարկը, թե «Հրանտ Դինքի դեմ մահվան սպառնալիք չի ուղղվել»: Ըստ «Ակօս» շաբաթաթերթի այսօրվա համարում տեղ գտած հրապարակման` Ստամբուլի անվտանգության փոխտնօրեն Հաքան Այդըն Թյուրքելիի ստորագրությունը կրող փաստաթղթում, որը թվագրվում է 2004 թ. մարտի 2-ի ամսաթվով, պաշտոնապես նշվում է, որ «Ակօս»-ի խմբագրատուն զանգահարած անհայտ անձինք սպառնացել են սպանել Հրանտ Դինքին, և պահանջվում է անվտանգության միջոցներ ձեռնարկել «Ակօս»-ի խմբարության շենքի և Դինքի տան շուրջ:
«Միլլիյեթ» օրաթերթի թղթակից Նեդիմ Շեների գրչին պատկանող «Կարմիր ուրբաթ. ո՞վ կոտրեց Դինքի գրիչը» վերնագրով գրքում, որը վաճառքի է հանվելու այս շաբաթ, հրապարակվել է մի վավերագիր, համաձայն որի` Ստամբուլի անվտանգության հետախուզական մասնաճյուղի և Ստամբուլի ահաբեկչության դեմ պայքարի մասնաճյուղի կողմից Ստամբուլի 14-րդ քրեական ծանր հանցագործությունների դատարանին հղված երկու գրությունները, որոնցում հաղորդվում է, թե Անվտանգությունը տեղյակ չի եղել, որ Դինքին սպառնացել են, չեն համապատասխանում իրականությանը, որովհետև Ստամբուլի անվտանգության փոխտնօրեն Հաքան Այդըն Թյուրքելիի ստորագրությունը կրող 2004 թ. մարտի 2-ի փաստաթղթում Դինքի կյանքը վտանգի տակ գտնվելու հիմնավորմամբ նշվում է «Ակօս»-ի խմբագրատան և Դինքի տան շուրջը անվտանգության միջոցներ ձեռնարկելու անհրաժեշտության մասին:
«Թարաֆ» օրաթերթ
14.01.2011
Leave a Reply