2011 թուականը կը զուգադիպի Պոլսոյ Պատրիարքական Աթոռի հաստատութեան 550-ամեակին։ Պատրիարքական Ընդհանուր Փոխանորդ Բարձրաշնորհ Տ. Արամ Արքեպիսկոպոս Աթէշեանի գլխաւորութեամբ եւ համայնքային գործիչներու մասնակցութեամբ կազմուած յանձնախումբ մը աշխատանքի լուծուած է, համակարգելու համար ծրագիրներու մշակումը։
Թէեւ հոգեւոր ուրախութեամբ կը պատրաստուինք նշել սոյն պատմական հանգրուանը, սակայն նկատի ունենալով Ն.Ա.Տ. Մեսրոպ Բ. Պատրիարք Հօր առողջական վիճակը, Աթոռոյս Պատկառելի Կրօնական Ժողովի հայրերն եւ Կարգադիր Յանձնախումբը համախորհուրդ որոշած են նշել Պատրիարքական Աթոռի այս հանգրուանը, մնալով յատկապէս հոգեւոր եւ մշակութային ծրագիրներու մշակման ծիրին մէջ։
Մշակելի ծրագիրներու յստակացումէն յետոյ, տեղեակ պիտի պահուի մերազն համայնքը։
ԴԻՒԱՆ ՊԱՏՐԻԱՐՔԱՐԱՆԻ
13 Յունուար 2011
http://lraper.org/?Action=DisplayNews&NewsCode=N000003610&Lang=HAY
Leave a Reply